बीपीका विचार अनुशरण गर्न सके कांग्रेसलाई कसैले हराउन सक्दैन : शशांक कोइराला

काठमाडौं । नेपाली कांग्रेसका नेता डा शशांक कोइरालाले बीपीका विचार नमान्दा कांग्रेस कमजोर भएको टिप्पणी गरेका छन् । पूर्व महामन्त्री समेत रहेका उनले शनिबार नेविसंघ लमजुङ–काठमाडौं सम्पर्क समितिले दसैं, तिहार तथा छठ पर्वका अवसर आयोजना गरेको ‘शुभकामना आदानप्रदान तथा चियापान’ कार्यक्रममा यस्तो बताएका हुन् ।

‘बिपीको विचारमा उभिएर पार्टी अगाडि बढेकाले आपसी एकताका साथ बिपीको विचार अँगालेमा कांग्रेसलाई कुनै शक्तिले हराउन सक्दैन’, नेता कोइरालाले भने।उनले बिपीको पहिलो सरकारको पालामा नेपालमा विकासको ढोका खुलेको स्मरण गर्दै देशमा भएको सम्भावनालाई उच्चतम प्रयोग गरी विकास र समृद्धिका लागि पार्टीका नेता कार्यकर्ता लाग्नुपर्नेमा जोड दिए।