काठमाडौं । सरकारले श्रम स्विकृति लिएर विदेशमा गएका नेपालीले आइपीओमा १० प्रतिशत आरक्षण पाउने व्यवस्था लागू भएको छ ।
नेपाल सरकारको मान्यता प्राप्त संस्थाबाट श्रम स्विकृति लिएर वैदेशिक रोजगारमा गएकाले यस्तो आरक्षण पाउनेछन् । कुनै पनि संगठित संस्थाले सर्वसाधारणमा सेयर जारी गर्नु अघि सार्वजनिक निष्काशन गरिने सेयरको १० प्रतिशत वैदेशिक रोजगारमा गएकाहरुलाई छुट्याउनुपर्ने छ ।
यस्तो सेयरको निष्काशन गर्दा १५ दिनको समय तोकेर आवेदन आह्वान गर्नुपर्नेछ । यस्तो सेयरका लागि आवेदन दिदा सिआस्वा बैंक तथा वित्तीय संस्थामा रहेको रेमिट्यान्स बचत खातामार्फत श्रमिकले भुक्तानी गर्नुपर्नेछ ।
सेयरका लागि आवेदन गर्दा रेमिट्यान्स खातामा पछिल्लो ६ महिनामा कम्तीमा ५० हजार नेपाली रुपैयाँ जम्मा गरेको हुनुपर्नेछ । तर उनीहरुले सर्वसाधारणलाई छुट्याएको सेयरमा भने आवेदन दिन पाउँने छैनन् ।
प्रतिक्रिया लेख्नुहोस्:-