काठमाडौं । गृहमन्त्री बालकृष्ण खाणले आगामी मंसिर ४ गते हुने निर्वाचनपछि सातै प्रदेशमा गठबन्धन सरकार बन्ने बताएका छन्।
मन्त्री खाणले शनिबार नेकपा (माओवादी केन्द्र)ले भैरहवामा आयोजना गरेको बृहत् कार्यकर्ता भेलालाई सम्बोधन गर्दे यस्तो बताएका हुन् । मन्त्री खाण रुपन्देही क्षेत्र नं ३ बाट प्रतिनिधिसभा सदस्यका उम्मेदवार छन् ।
गृहमन्त्री खाणले लामो सङ्घर्षपश्चात् प्राप्त सङ्घीय लोकतान्त्रिक गणतन्त्रात्मक व्यवस्थालाई थप मजबुत बनाउँदै नागरिकको अवस्था परिवर्तन गर्न पाँचदलीय गठबन्धन बनेको र यसको जित अत्यावश्यक रहेको औँल्याए। उनले गठबन्धनले जितेमा प्राप्त उपलब्धि उल्टन सक्नेतर्फ सचेत हुनुपर्ने बताए। बेला–बेलामा नेपाली कांग्रेस र वामपन्थी शक्ति मिलेर नेपालमा ठूला–ठूला राजनीतिक परिवर्तन भएको उनले उल्लेख गरे।
प्रतिक्रिया लेख्नुहोस्:-