सोमबार २१ अंकले बढ्यो नेप्से, ९४ करोडको कारोबार

काठमाडौं । साताको कारोबार भएको दोस्रो दिन सोमबार नेप्सेमा दोहोर अंकले बृद्धि भएको छ । आज नेप्से २१ अंकले बढेको हो । । बजार बढेसँगै समग्र बजार परिसूचक १९०४.४३ मा उक्लिएको छ।

उप–समूहतर्फ आज कारोबार भएका १३ ओटै समूहको सेयर मूल्य बढेको छ। सबैभन्दा धेरै म्यानिफ्यक्चरिङ एण्ड प्रोसेसिङ समूह ३.१३ प्रतिशतले उकालो लागेको छ।

बजार बढ्दा कारोबार भएका १४८ कम्पनीको सेयर मूल्य बढेको छ। भने ३१ कम्पनीको सेयर मूल्य घटेको छ। २१ अंकले बढेको बजारमा ९४ करोड ६० लाख ८९ हजार ५ सय २१ कम्पनीको सेयर खरिद बिक्री भएको थियो । जसमा २४ लाख ५२ हजार ८४ कित्ता सेयर खरिद बिक्री भएको थियो ।

यस्तै तारागाँउ रिजेन्सी होटेल, सप्तकोशी डेभलपमेन्ट बैंक, बुद्धभूमि हाइड्रो, रिभर फल्स पावर लिमिटेड, लिवर्टी इनर्जी कम्पनी उच्च कारोबार गर्ने कम्पनीमा परेका छन् ।