सामाजिक सद्‌भावमा खलल नपुगोस् भनेर टिकटक बन्द गरिएको हो : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल प्रचण्डले सामाजिक सद्‌भावलाई बचाउनै लागि सरकारले टिकटकलाई प्रतिबन्ध लगाएको तर्क गरेका छन् ।

उाले मंगलबार नेपाल संवत्‌को नयाँ वर्ष सुरु भएका अवसरमा भक्तपुरमा आयोजित कार्यक्रमलाई सम्बोधन गर्दै यस्तो जिकिर गरेका हुन् ।

उनले अगाडि थपे ‘समाजमा विसंगति विकृति अराजकता फैलाउने,राज्यलाई जिम्मेवारीबाट अगाडि बढ्न रोक्ने खालका प्रवृत्ति कसरी नियन्त्रण गर्ने भनेर लामो छलफलपछि देशभित्रका सबै राजनीतिक दल सत्तापक्ष,प्रतिपक्ष सबैको सहमतिपछि अन्तर्राष्टियरुपमा सबैभन्दा लोकतान्त्रिक विकसित देशले कस्तो मान्यता विकास गरेका छन् भन्ने पनि हेरेर सामाजिक सद्‌भाव,पारिवारिक एकता खलबल हुनबाट बचाउने उद्देश्यले निर्णय गरिएको हो । ’