काठमाडौं । चिकित्त्सा सुधारका अभियन्ता डा। गोविन्द केसीले आगामी निर्वाचनमा प्रमुख राजनीतिक दलका शीर्ष नेताहरुलाई मत नदिन मतदाताहरुसमक्ष आह्वान गरेका छन्।
केसीले मंगलबार काठमाडौँमा पत्रकार सम्मेलन गर्दै प्रधानमन्त्रीसमेत रहेका नेपाली कांग्रेसका सभापति शेरबहादुर देउवा, नेकपा (एमाले) का अध्यक्ष केपी शर्मा ओली र नेकपा (माओवादी केन्द्र) का अध्यक्ष पुष्पकमल दाहाललगायत शीर्ष नेताहरुलाई भोट नदिन आग्रह गरेका हुन्।
उनले शीर्ष नेताहरुले देश र जनतालाई धोका दिएको बताए। शीर्ष नेताहरुले राजनीतिलाई भ्रष्टीकरण र अपराधीकरण गरेको उनले आरोप लगाए।
शीर्ष नेताहरुले भ्रष्टाचार, अपराध, अक्षमता र तानाशाही प्रवृत्ति भएकाहरुलाई चुनावमा उम्मेदवार बनाएर इमान्दारिताको राजनीति गर्नेहरुलाई पाखा लगाएको पनि उनले उल्लेख गरे। डा.केसीले पुरानै नेताहरुको हालिमुहालीका कारण देश विगत पाँच वर्षमा दशौँ वर्ष पछाडि धकेलिएको बताए।
प्रतिक्रिया लेख्नुहोस्:-