काठमाडौं । नेपाली कांग्रेसको पदाधिकारी बैठकले भूकम्पप्रभावित क्षेत्रमा थप सहयोग गर्ने निर्णय गरेको छ ।
आज सभापति शेरबहादुर देउवाको निवास धुम्वाराहीमा बसेको पदाधिकारी बैठकमा राहत उद्धार, पुनःनिर्माणको लेखाजोखा र प्रभावित जनतालाई थप सहयोग कसरी गर्न सकिन्छ भन्नेबारे छलफल भएको हो ।
पार्टीका प्रवक्ता एवं अर्थमन्त्री डा। प्रकाशशरण महतले सरकारले अस्थायी आवासका लागि प्रभावित परिवारलाई दिने भनेको ५० हजार रूपैयाँ आज जिल्ला तहमा पुग्ने जानकारी दिए ।
उनले भने, ‘भूकम्पप्रभावित क्षेत्रमा सरकारले ५० हजारको दरले हरेक क्षति भएका घरका परिवारलाई दिने अस्थायी आवासको लागि भनेको छ । त्यो चाँडै पुग्नुपर्ने र आज जिल्ला तहमा पुग्छ र जिल्ला विपद् कोषले गाउँपालिकामार्फत सम्बन्धितकोमा पुग्छ, त्यसपछि अस्थायी आवास बनाउनुहुनेछ । पार्टीले त्यहाँ स्वयंसेवक बेसिसमा सहयोग गर्न चाहनेहरुलाई परिचालन गर्ने कुरा भएको छ ।’
प्रतिक्रिया लेख्नुहोस्:-