काठमाडौं । परराष्ट्र मन्त्री एनपी साउदले कतारका विदेश राज्यमन्त्री सुल्तान बिन साद अल मुखैरीलाई हमासको नियन्त्रणमा रहेका नेपाली विद्यार्थी विपिन जोशीको रिहाइका लागि पहल गरिदिन आग्रह गरेका छन्। मन्त्री साउदले शुक्रबार परराष्ट्र मन्त्रालयमा भएको भेटमा यस्तो आग्रह गरेका हुन् ।
मन्त्री साउदका प्रमुख स्वकीय सचिव दिपकराज जोशीले विद्रोही हमासले रिहा गर्न लागिएको भनिएका ५० जनाको समूहसँगै जोशीको रिहाइ गराइदिन विशेष अनुरोध गरिएको जानकारी दिए।
जवाफमा कतारका विदेश राज्यमन्त्रीले जोशीको रिहाइका लागि यथाशीघ्र सहयोग गर्ने आश्वासन दिएका थिए।
प्रतिक्रिया लेख्नुहोस्:-