कोरोना भाइरसको नयाँ भेरियन्ट ओमिक्रोन नेपालमा पनि देखिएको छ । स्वास्थ्य तथा जनसंख्या मन्त्रालयका अनुसार एक जना विदेशी र एक जना नेपाली नागरिक गरि २ जनामा कोरोना भाइरसको नयाँ भेरियन्ट पुष्टि भएको हो ।
मंसिर ३ गते अन्तराष्ट्रिय विमानस्थल हुदै नेपाल आएका ६६ वर्षीय एक पुरुष र उनको सम्पर्कमा रहेका ७१ वर्षीय नेपाली नागरिकमा आईतबार राति ओमिक्रोनको संक्रमण पुष्टि भएको स्वास्थ्य मन्त्रालयका सहायक प्रवक्ता डा.समिर अधिकारीले जानकारी दिए ।
ओमिक्रोन पुष्टि भएका ति व्यक्तिहरुको सम्पर्कमा रहेका ६६ जनाको रिपोर्ट भने नेगेटिभ आएको छ । नेपालमा पनि कोरोनाको नयाँ भेरियन्ट देखिएपछि सिमानाका र विमानस्थलमा उच्च सुरक्षा सर्तकता अपनाईएको डा.अधिकारीले जनाएका छन् ।
प्रतिक्रिया लेख्नुहोस्:-