नेपालले जित्याे पहिलाे एकदिवसीय सिरज , अन्तिम खेलमा युएई ४ विकेटले पराजित, कप्तान पारसकाे पहिलाे एकदिवशिय सतक 

दूरबिन नेपाल     १४ माघ २०७५, सोमबार १४:००    

Anil Baral Real Estate

काठमाडाैं । अन्तर्राष्ट्रिय क्रिकेटमा नेपालले साेमवार एतिहासिक फड्काे मारेकाे छ । नेपालले पहिलाे पटक एकदिवसीय सिरज जितेकाे छ । तीन खेलकाे सिरजकाे अन्तिम दिन नेपालले युएईलाई ४ विकेटले  हरायाे । याे सँगै नेपाल समग्रमा २-१ ले विजयी भयाे ।  शुक्रबार भएको पहिलो खेलमा ३ विकेटले पराजित भएको नेपालले शनिबार भएको दोस्रो खेलमा १ सय ४५ रनको विजय हासिल गरेको थियो।

नेपालले  वर्षको मार्चमा देखि एक दिवसीय मान्यता पाएकाे हाे । त्यस पछि नेपालले  नेदरल्याण्ड्ससँग दुई एकदिवशीय खेलको शृङ्खला खेलेको थियो। जुन १-१ को बराबरीमा सकिएको थियो।

नेपाललाई सफलता दिलाउने क्रममा कप्तान पारस खड्काे शतक महत्वपूर्ण बन्याे । पारसकाे याे शतक नेपालकाे पहिलाे एकदिवसीय खेलका लागि पहिलाे हाे ।

घरेलु टिम युएईले दिएकाे २ सय ५४ रनकाे लक्ष्य नेपालले  नेपालले ४४ ओभर  चार बलमा  ६ विकेट खर्चदै पुरा गर्याे । नेपालकाे इनिङ्ग उकास्ने काम काम कप्तान खड्काले गरे । उनले एकदिवसीय क्रिकेटमा सतक बनाउने पहिलाे नेपाली खेलाडीकाे नाम लेखाए । एक सय ९ बलकाे समना गर्दै पारसले एक सय १५ रनकाे लाेभलाग्दाे पारी खेले । त्यस क्रममा उनले  १५ चौका र एक छक्का हाने।

नेपालका लागि  उपकप्तान ज्ञानेन्द्र मल्लले ३१ रन, सोमपाल कामीले २६,आरिफ शेखले २१ डेब्यु म्याच खेलेका सन्दीप जोराले १९ र  रोहित पौडेलले १६ रनकाे याेगदान दिए ।

यसअघि टस हारेर पहिलो ब्याटिङ गरेको युएईले पुरा  ५० ओभर खेल्दै  ६ विकेट खर्चेर  २ सय ५४ रन बनाएको थियो। खराब शुरुआत गरेको युएईका मध्यक्रमका ब्याट्सम्यानले सम्हालिएको खेल प्रदर्शन गर्दा युएईले फराकिलो स्कोर बनाएको हो ।

पावर प्लेमा मात्र १४ रन जोड्न सफल युएईले दुई रन जोड्दा २ विकेट गुमाएको थियो । तर, शाइमन अनवार र सिपी रिजवानले पाँचौ विकेटका लागि १०० रनको साझेदारी गर्दै युएईको स्कोर फराकिलो बनाएका थिए । अर्धशतकीय इनिङ् खेलेका अनवार ८७ रनमा आउट भए । रिजवानले ४५ रन जोडेर आउट भए ।

नेपाललाई फराकिलो लक्ष्य दिने क्रममा युएईले अन्तिम २ ओभरमा ४३ रन जोडेको थियो । उसका लागि आक्रामक ब्याटिङ गर्दै मोहमद बुटाले पनि ५९ रनको अर्धशतकीय इनिङ्स खेले । त्यस्तै युएईका मोहमद उसमान २६ तथा गुलाम सब्बीर १८ रनमा आउट भए ।

नेपालका कप्तान पारस र करण केसीले दुई÷दुई विकेट लिए । सोमपाल कामी र सन्दीप लामिछानेले एक÷एक विकेट लिए । सिरिजमा नेपालका कप्तान पारस प्लेयर अफ दि सिरिज बनेका छन् । कप्तान पारस प्लेयर अफ दि म्याचसमेत चुनिएका थिए । नेपालले अब यूएइसँग तीन टि–२० सिरिज खेल्नेछ ।

तस्वीर साैजन्य : रमण सिवाकाेटाे । नेपाल क्रिकेट संघ

 


१४ माघ २०७५, सोमबार १४:०० मा प्रकाशित