गगन थापा भेट्दा देवी सार्की मख्ख

दूरबिन नेपाल     १५ माघ २०७५, मंगलवार १३:२९    

Anil Baral Real Estate

पर्वत । आफ्नो शैक्षिक भविष्यमा लगानी गर्ने काँग्रेसका चर्चित युवा नेता गगन थापालाई भेट्दा देवी सार्की मख्ख परेकी छन । मंगलबार पर्वतको सूर्य प्रकाश माविको कार्यक्रममा सहभागी हुन पर्वत पुगेका वेला गगन थापालाई भेटेपछि देवी मख्ख भइकी हुन ।

उनले आफूलाई पढाउन सहयोग गर्ने थापासँग भीडलाई छिचोल्दै फोटो समेत खिचाइन । पर्वतको कुश्मा नगरपालिका -३ मा रहेको तालपोखरी प्रावि दुर्लुङमा कक्षा तीनमा पढिरहेकी देवी सार्कीको सम्पूर्ण पढाइ खर्च गगन थापाले बेहाेर्दै भएका छन् ।

कक्षा एकमा भर्ना भएको वर्ष देखि नै देवी सार्कीको सम्पूर्ण खर्च गगन थापाले व्यहोर्ने गरेकाे  छोरी पढाउनु अभियानका अभियान्त प्रेम विकले बताए । ‘विहान र बेलुकोको खानामात्र बाबुआमाले खुवाउनु हुन्छ बाँकी सवै खर्च थापाले गर्दै आउनु भएको,’ जानकारी विकले दिए । स्कूलमा लाग्ने सम्पूर्ण खर्च स्टेशनरी, ड्रेस, दशैंका लागि लुगा, आवश्यकता अनुसार जुत्ता, जाडोको लागि आवश्यक लुगा लगायतको सहयोग थापा गर्ने गरेका छन् ।

यसले आर्थिक अभावमा स्कूल जान नसक्ने देवी सार्की जस्तालाई ठूलो सहयोग पुगेको विकको भनाइरहेको छ । देवी सार्कीलाई थापाले +२ सम्म नै पढाउन स्पोन्सर गर्ने बताएका छन् ।  दुर्गाका आमाबाबु स्थानीय स्तरमा नै मजदुरी गरेर जीवन निर्वाह गदै आएका छन् ।


१५ माघ २०७५, मंगलवार १३:२९ मा प्रकाशित