तामाङ सोसाइटी अफ न्यु योर्कले पनि मनायो ल्होछार

दूरबिन नेपाल     २१ माघ २०७५, सोमबार २१:३५    

Anil Baral Real Estate

न्युयोर्क । न्युयोर्क क्षेत्रमा बसोबास गर्दै आएका तामाङ समुदायले आफ्नो सबै भन्दा ठुलो सांस्कृतिक पर्व सोनाम ल्होछार २८५५ (नयाँ वर्ष) विभिन्न कार्यक्रमका मनाएका छन । 

तामाङ सोसाइटी अफ न्यु योर्कले आयोजना गरेको कार्यक्रम ल्होछार पर्व पहिचान सहितको भेषभुषामा सजिएर घर घरबाट बनाएर ल्याएको परिकारहरु एकै ठाउमा बसेर खादै मौलिकता झल्कने सांस्कृतिक कार्यक्रम सहित नया पिडीहरुलाई आफ्नो चाडको जानकारी गराउदै शुभकामना साटासाट गर्दै सोनाम ल्हो (नयाँ) सार (वर्ष) मनाए । 

औपचारिक कार्यक्रमको उद्घाटन पछि नेपाल र अमेरिकाको राष्ट्रीय गान बजाउदै मातृ भुमी र कर्म भुमीलाई सम्मान गर्दै शुभकामना शुरु भएको थियो । 

कार्यक्रममा  नेपाल सरकारका प्रतिनिध एवं महावाणिज्य दूत पुष्पराज भट्टराईले शुभकामना मन्तव्य दिएका थिए । तामाङ सोसाइटी अफ नर्थ अमेरिकाका अध्यक्ष लक्यान लामाले “विश्वभरी पहिचानको मुद्दालाई अघि सार्दै ल्होछार मनाइरहेको बताए ।” 

उनले जनसङ्ख्याका हिसाबले नेपालमा ५ औँ स्थानमा भए पनि तामाङ जातिले राजनीतिक, सामाजिक, सांस्कृतिक अधिकार नपाएको गुनासो गरे ।

यस्तै सस्थाकी अध्यक्ष गोमा योञ्जन गुरूङले कार्यक्रम सफल बनाउन सहयोग गर्ने सबैलाई धन्यवाद दिएकी थिइन । 

 


२१ माघ २०७५, सोमबार २१:३५ मा प्रकाशित