डिपिएलको पहिलो दिन : काठमाण्डौ गोल्डेन्स र रुपन्देही च्यालेन्जर्स विजयी

दूरबिन नेपाल     २८ माघ २०७५, सोमबार १३:०७    

Anil Baral Real Estate

धनगढी । धनगढी प्रिमियर लिगको पहिलो दिन सोमवार काठमाण्डौ गोल्डेन्स र रुपन्देही च्यालेन्जर्सले आ आफ्नो खेल जितेका छन् । फाप्ला मैदानमा काठमाडौं घरेलु टिम धनगढी स्टार्सलाई चार विकेटले हरायो । अर्को खेलमा रुपन्देहीले महेन्द्रनगर युनाइटेडको चुनौति दुई रनले पन्छायो ।

पहिलो खेलमा धनगढीले दिएको एक सय ३३ रनको विजयी लक्ष्य पछ्याउने क्रममा काठमाडौले निर्धारित ओभर सकिन एक बल बाँकी रहँदा लक्ष्य पुरा गर्यो ।

काठमाडौलाई महत्वपूर्ण जित दिलाउने क्रममा गौरभ तोमरले २८ रन, अनिल कुमार शाहले २४ रन तथा अंकित दवासले २९ रनको पारी खेले । धनगढीका लागि रोहन मुस्तफाले ४ विकेट लिए । आमीर हायत र विपीन कार्की ले पनि समान १÷१ विकेट हात पारे ।

यसअघि टस हारेर पहिले ब्याटिङ गरेको सोमपाल कामीको कप्तानीमा रहेको धनगढीले २० ओभरमा ५ विकेट गुमाएर १ सय ३२ रन बनाएको थियो । ओपनरद्धय सुनिल घमला र रोहन मुस्तफालाई सस्तैमा गुमाएको धनगढीले यसपछि तेस्रो विकेट का लागि अमित श्रेष्ठ र सन्दिप रजाली बिच ५२ रनको साझेदारी भएको थियो । अमित श्रेष्ठले प्रतियोगिताको पहिलो अर्धशतक बनाए । ५० बलको सामना गरेका उनले ४ चौका र २ छक्काको मद्दतमा ५० रन बनाए । सन्दीप ले २८ रनको पारी खेले । पवन सरार्फले १९ तथा सौरभ खनालले अविजित रहदै २५ रन बनाए । काठमाडौका लागि नन्दन यादवले २ विकेट लिए भने ललित राजवंशी र अंकित दवासले समान १÷१ विकेट लिएका थिए ।

दिनको दोस्रो खेलमा रुपन्देही च्यालेन्जर्सले महेन्द्रनगर युनाइटेडलाई २ रनले हरायो । एक सय १२ रनको विजय लक्ष्य लिएर आएको महेन्द्रनगरले निर्धारित २० ओभरमा ८ विकेट गुमाइ १०९ रन मात्रै बनाउन सक्यो । टोलीका आनन्द सुब्रमनियनले २५ र रोहित पौडेलले २४ रन बनाए । कप्तान शरद भेषावाकर ४, कुशल मल्ल ९, आरिफ शेख ५ र सिद्धान्त लोहनी ४ रनमा आउट भए । रुपन्देहीका विक्रम सोवले ३ ओभरमा २४ रन खर्चेर ३ विकेट लिए।

 

त्यस्तै पुनित मेहराले २ तथा ललितसिंह भण्डारी, कृष्ण कार्की र बसन्त रेग्मीले १÷१ विकेट लिए।
यसअघि टस जितेर ब्याटिङ गरेको रुपन्देहीले सवै विकेट गुमाउँदै एक सय ११ रन बनायो । रुपन्देहीका लागि सुमित महर्जनले २७ रन बनाए । यस्तै प्रदीप ऐरी १, सन्दीप सुनार १५, बाबर हायत १४, विनोद भण्डारी १९, पुनित मेहरा ३, भीम सार्की २ रन बनाउँदै आउट भए । यस्तै कप्तान बसन्त रेग्मी र ललितसिंह भण्डारी शुन्यमा आउट भए भने कृष्ण कार्कीले ४ रन जोडे । विक्रम साव १० बलमा १६ रन बनाउँदै अविजित रहे।

महेन्द्रनगरका लागि सिद्धान्त लोहनीले ४ ओभरमा १९ रन खर्चेर ३ विकेट लिए । सागर ढकाल र अविनाश बोहराले २÷२ विकेट लिए। कप्तान शरद भेषावकरले १ विकेट लिए ।

 

लिग अन्र्तगत मंगलवार पनि दुई खेल हुनेछन । पहिलो खेलमा धनगढी स्टार्स र सिवाईसी अत्तरीया प्रतिस्पर्धा गर्नेछन् । दोस्रो खेलमा विराटनगर किंग्स र रुपन्देही च्यालेन्जर्स खेल्नेछन् ।


२८ माघ २०७५, सोमबार १३:०७ मा प्रकाशित