महिला फुटलबमा खुसीकाे दिन : नेपालले भारतलाई पहिलाे पटक हरायाे 

दूरबिन नेपाल     २८ माघ २०७५, सोमबार १६:०३    

Anil Baral Real Estate

काठमाडाै‌ । नेपाली महिला राष्ट्रीय टिमले साेमवार ऐतिहासिक सफलता हात पारेकाे छ । भारतमा जारी हिराे महिला गोल्डकप फुटबल नेपालले भारतलाई एकका बिरुद्द दुई गाेलले हरायाे । नेपाली महिला टाेलीले भारतीय महिला फुटबल टिमलाई हराएकाे याे पहिलाे अबसर हाे ।

भारतको उडिसास्थित कालिङ्गाका रङ्गशालामा  भएकाे खेलमा  नेपालको तर्फबाट दुवै गोल सावित्रा भण्डारीले गरिन । नेपाल आसन्न साफ च्याम्पियनशिपकाे तयारीमा छ । आफ्नाे तयारी बलियाे बनाउन भन्दै राष्ट्रीय टिमका पुर्व कप्तान तथा चर्चित खेलाडी हरि खड्काकाे प्रशिक्षणमा रहेकाे नेपाली महिला टिम याे प्रतियाेगिता खेल्न गएकाे हाे ।

पहिलो खेलमा म्यानमासँग पराजित नेपालले अघिल्लो चरण पुग्न आजको खेल जित्नै पर्ने दबाब थियाे ।  नेपाल अब  इरान सँग खेल्ने छ ।

तस्वीर गाेल नेपाल


२८ माघ २०७५, सोमबार १६:०३ मा प्रकाशित