‘एनआरएनए अमेरिकामा चौथो नम्बरमा नाम थप्न चाहिन’

दूरबिन नेपाल     ७ चैत्र २०७५, बिहीबार ०४:५६    

Anil Baral Real Estate

एनआरएनए अमेरिकामा दिनहुँ उम्मेदवारी घोषणा भइरहेका छन् । अहिलेसम्म विभिन्न पदमा ६० जना भन्दा बढिले आफ्नो उम्मेदवारी सार्वजनिक गरिसकेका छन् । एनआरएनए अमेरिकाका महासचिव वि आर लामाले बुधवार आगामी कार्यकालका लागि वरिष्ठ उपाध्यक्षमा उम्मेदवारी घोषणा गरेका छन् । यस अघि अध्यक्षमा उम्मेदवारी दिने बताउँदै आएका लामाले बुधवार दिउसो फेसबुक लाइभबाट वरिष्ठ उपाध्यक्षमा उठ्ने औपचारिक घोषणा गरे । लामाले भने “मैले अध्यक्षमा उठ्दै छु भनेर फेसबुकमा पोस्ट पनि गरे । कतिपय पत्रपत्रिकालाई अध्यक्षमा उठ्दै छु भनेर भने । तर आज मैले वरिष्ठ उपाध्यक्षमा औपचारिक उम्मेदवारी घोषणा गरेको छु ।”

वर्तमान कार्यसमितिका ३ जनाले अध्यक्षमा औपचारिक उम्मेदवारी घोषणा गरिसकेका छन् म चौथो नम्बरमा उम्मेदवारी थप्न चाहन्न । लामाले वरिष्ठ उपाध्यक्षमा उम्मेदवारी घोषणा गर्नुको कारण प्रस्ट गैर्दै भने “अध्यक्षमा वर्तमान कार्यसमितिका वा बाहिरबाट इच्छुक जो आएपनि फरक पर्दैन । म कार्यसमितिको दोस्रो वरियतामा बसेर एनएआएनए अमेरिकामा सेवा गर्न चाहन्छु ।”

संस्थाका काम र गतिविधिलाई पारदर्शी गर्न लामाले महासचिवको भूमिका राम्रोसँग निर्वाह गरेको कार्यसमिति भित्रका सदस्यहरूले बताउने गरेका छन् ।


७ चैत्र २०७५, बिहीबार ०४:५६ मा प्रकाशित