समुद्रमा गाडियो अबु बकर अल बगदादीको शव

दूरबिन नेपाल     १४ कार्तिक २०७६, बिहीबार ०१:३२    

Anil Baral Real Estate

दूरवीन नेपाल
आतंकवादी संगठन आईएसआईएसका नेता अबु बकर अल बगदादीको शवलाई समुद्रमा समाधिस्त गरिएको युएस सेन्ट्रल कमान्डका प्रमुख जनरल फ्रान्क म्याकेन्जीले जनाएका छन । तर सैन्य प्रमखु म्याकेन्जीले समाधिस्थ गरेको स्थानका बारे भने केही खुलाएका छैनन । पेन्टागनमा सञ्चारकर्मीहरुलाई प्रतिक्रिया दिनेक्रममा म्याकेन्जीले बगदादीले आफुसंगै दुई बालबालिकाको समेत हत्या गरेको बताए । बगदादीसंगै मारिएका बालबालिकाहरु बा¥ह वर्ष भन्दा मुनिका रहेको बताइएको छ । अमेरिकी राष्ट्रपती डोनाल्ड ट्रम्पले गत शनीवार आइएस नेता बग्दादीको कार्वाहीलाई आफुले प्रत्यक्ष हेरेको बताउदै अमेरीकी कमाण्डरहरुको कारवाही पश्चात उनी रुदै कराउदै बच्चाहरुसंग एउटा खाडलमा पसेको र उनको अन्तिम क्षणको अवस्था बयान गर्न नसकिने बताएका थिए । जनरल फ्रान्क म्याकेन्जीले कारवाहीको क्रममा एघार जना गैर सैनिकको समेत मृत्यू भएको जनाएको छ । कार्वाहीमा ४ महिला र २ पुरुष गरि छ जना आईएसआईएस सदस्यको मृत्यु भएको पनि म्याकेन्जीले उल्लेख गरेका छन । यद्यपि म्याकेन्जीले बग्दादीको मृत्यूपश्चातपनि आइएससंगको खतरा टरी नसकेको बताउदै सो समूहले नयाँ नेता फेला पार्दा उनीहरूका कार्यहरू अलिकति निराश हुन सक्छन् तर ती खतरनाक हुनेछन् । हामी आशा गर्दछौं कि उनीहरूले कुनै किसिमको प्रतिशोधपुर्ण हमला गर्ने प्रयास गर्नेछन् तर हामी त्यसका लागि तयार छौं ।


१४ कार्तिक २०७६, बिहीबार ०१:३२ मा प्रकाशित