लन्डन, १ असार / बेलायतमा जारी विश्व कप क्रिकेटमा भारतले पाकिस्तानलाई पराजित गरेको छ।
इङ्ल्यान्डको म्यान्चेस्टरमा भएको यस प्रतिस्पर्धामा पाकिस्तानले टस जिती पहिले क्षेत्ररक्षण रोजेको थियो ।
भारतले पहिले ब्याटिङ गर्दै ६ विकेट गुमाउदै ३३६ रन बनाएको थियो । भारतका रोहित शर्माले ११३ बलको सामना गर्दै १४० रन बनाइ आउट भएका थिए । अर्का ओपनर ब्याटस म्यान के एल राहुलले ५७ रन बनाएका थिए भने कप्तान बिराट कोहलीले ७७ रन बनाएका थिए ।
जवाफि ब्याटिङमा आएको पाकिस्तानले १३ रनमा इमाम अल हकको विकेट गुमाएको थियो । उनलाई विजय शंकरले विश्व कपको पहिलो बलमा नै आउट गरेका थिए । यस संगै शंकर विश्व कपको पहिलो बलमा विकेट लिने तेश्रो खेलाडी वनेका छन। यस अगाडि ईयान हार्भीले २००३ को विश्व कप र मालाची जोन्सले २००७ को विश्व कपमा खेलिएको आफ्नो पहिलो बलमा विकेट लिएका थिए ।
फखार जमान र बाबर आजमले दोश्रो विकेटको साझेदारीमा १०४ रन थप्दै केहि राहत दिएका थिए ।
बर्षाले अबरुद्द भएको खेलमा पाकिस्तानले ४० ओभरमा छोट्टाइएको खेलमा ६ विकेट गुमाउदै २१२ बनाएको थियो । डेविड एण्ड लेविस रुल अनुसार पाकिस्तान ८९ रनले पराजित भएको छ । जितको लागि पाकिस्तानले ४० ओभरमा ३०२ रन बनाउन आबश्यक थियो ।
अहिले सम्मको अंकतालिकामा भारतको ४ खेलबाट ७ अंक छ भने पाकिस्तानको ५ खेलबाट ३ अंक रहेको छ ।
प्रतिक्रिया लेख्नुहोस्:-