मेगामिलियन ज्याकपट खुल्यो

अमेरिका अक्टुवर १६/ केहीबेर अघिमात्र मेगा मिलियन लट्री इतिहास कै सबभन्दा ठूलो पुरस्कार राशीको मेगा-मिलियन चिठ्ठाको बिजेता नम्बर (विनिंग नम्बर) सार्वजनिक भएको छ। ०३, ४५, ४९, ६१, ६९ र मेगाबल ०९ भएको चिठ्ठा कसैले किनेको भए कम्तिमा दुई डलर लगानीमा रातारात अर्बपति हुने पक्का छ। यदि आज कसैको भाग्य चम्केको रहेनछ भने आगामी शुक्रवार ज्याकपटको धनराशी बढेर ८६८ मिलियन पुग्ने छ।

मेगामिलियनका अतिरिक्त अर्को मल्टिमिलियन डलरको चिठ्ठा पावरबलको पनि जाकपट भ्याल्यू उकालो लागिरहेको छ। प्रत्येक बुधबार र शनिवार खुल्ने पावरबलको ज्याकपट धनराशी अहिले ३४५ मिलियन डलर पुगेको छ। भोली बुधवार कोही भाग्यशाली व्यक्तिले करोडौं डलरको पावरबल हात लाउन सक्ने संभावना छ।