काठमाडौं । पहिलो ट्वान्टी– २० अन्तर्राष्ट्रियमा नेपालद्वारा केन्या ५ विकेटले पराजित भएको छ । नवनियुक्त प्रशिक्षक मनोज प्रभाकरको नेतृत्वमा नेपालले पहिलो अन्तर्राष्ट्रिय खेल जितेको हो। केन्याले दिएको १३१ रनको लक्ष्य नेपालले १९।२ ओभरमा ५ विकेट गुमाउँदै पूरा गरेको हो ।
नेपालका लागि दीपेन्द्रसिंह ऐरीले सर्वाधिक ३३ रन बनाए । २४ बल सामना गरेका २ छक्कार १ चौका प्रहार गरेका थिए । त्यस्तै आरिफ शेखले १५ बलमा १ छक्का र ३ चौकासहित २४ रन बनाए । लामो समयपछि टिममा पुनरागमन गरेका पूर्वकप्तान ज्ञानेन्द्र मल्लले ३० बलमा ३ चौका प्रहार गर्दै २३ रन बनाए । त्यसैगरी आसिफ शेखले १९ रन बनाउँदा उपकप्तान रोहित पौडेलले १३ रन बनाए । केन्याका लागि व्रज पटेल र लुकास ओलुचले २र२ विकेट लिए ।
यसअघि टस हारेर पहिले ब्याटिङ गरेको केन्याले निर्धारित २० ओभरमा ८ विकेट गुमाउँदै १३० रन बनाएको थियो । केन्याका लागि इरफान करिमले सर्वाधिक ३४ रन बनाए । त्यस्तै लुकास ओलुचले ३१ रन बनाए । नेपालका लागि सोमपाल कामीले सर्वाधिक ३ विकेट लिए । ४ ओभर बलिङ गरेका उनले २२ रन खर्चिएका थिए । त्यस्तै कप्तान सन्दीप लामिछानेले २ तथा आदिल अन्सारी र दीपेन्द्रसिंह ऐरीले १–१ विकेट लिए ।
नेपाल पाँच ट्वान्टी–२० र ३ एकदिवसीय शृंखलाका लागि केन्या भ्रमणमा गएको हो ।
प्रतिक्रिया लेख्नुहोस्:-