काठमाडौँ, १३ चैत / बंगलादेशमा सम्पन्न तेस्रो दक्षिण एसियाली आर्चरी च्याम्पियन्सीपमा आयोजक बंगलादेश १२ पदकका साथ पहिलो भएको छ ।
ढाकास्थित बिकेएसपी कम्पाउन्डमा भएको खेलमा बंगलादेश छ स्वर्ण, पाँच रजत र एक कास्यसहित कुल १२ पदकका साथ पहिलो भयो ।
यस्तै चार स्वर्ण, पाँच रजत र तीन कास्यका साथ कुल १२ पदक जित्दै भारत दोस्रो हुन सफल भयो । पाँच देश सहभागी भएको प्रतियोगितामा श्रीलंका तीन कास्यका साथ तेस्रो हुदाँ दुई कास्य जितेको नेपाल चौथो भएको छ । नेपालले रिकर्भ मिक्स टिम र कम्पाउण्ड पुरुषतर्फ कास्य पदक जितेको हो ।
पाकिस्तानले भने कुनै पनि पदक जित्न सकेन । यसैबीच आगामी वर्षको दक्षिण एसियाली आर्चरी च्याम्पियनसीप पाकिस्तानले गर्ने भएको छ । रासस
प्रतिक्रिया लेख्नुहोस्:-