काठमाडौं। एसीसी प्रिमियर कप क्रिकेट प्रतियोगितामा नेपालले ओमानलाई ८४ रनले पराजित गरेको छ ।
आज कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको खेलमा नेपालले ओमानलाई ८४ रनले पराजित गरेको हो। यससँगै नेपाल सेमिफाइनल नजिक पुगेको छ।
३११ रनको लक्ष्य पछ्याएको ओमान ४६।३ ओभरमा २२६ रनमा अलआउट भयो। अकिब इलियास घाइते भएर मैदानमा नआएसँगै रिटायर्ट आउट भएपश्चात नेपालले जितेको हो।
ओमानको लागि मोहम्मद नदीमले ६५ र सन्दीप गौडले ४६ रन जोडे।
ओमानलाई प्याक गर्न नेपालका सन्दीप लामिछानेले र करन केसील ३–३ तथा दीपेन्द्र सिंह ऐरीले २ तथा, ललित राजवंशी र सोमपाल कामीले १–१ विकेट लिए।
पहिलो विकेट लिएसँगै सन्दीपले ४२ एकदिवसीय खेलमा सबैभन्दा छिटो १०० विकेट पुुरा गर्ने खेलाडी बने।
प्रतिक्रिया लेख्नुहोस्:-