काठमाडौं । भोलिबाट सहिद स्मारक सी डिभिजन लिगको अन्तिम चरणका खेल सुरु हुँदैछन्।
अखिल नेपाल फुटबल संघ एन्फाले लिगको एक खेल भने त्रिपुरेश्वरस्थित दशरथ रंगशालामा खेलाउने भएको छ।
विजेता र दुई टिम रेलिगेसन पर्दा बी डिभिजनमा बढुवा हुने एक टोलीको टुंगो लाग्न बाँकी छ। प्लानिङ ब्वाइज क्लब र आरसी ३२ फुटबल एकेडेमीमध्ये एक टिम बढुवा हुनेछ।
लिगको अन्तिम दिन तीन खेल हुँदैछ। शुक्रबार हुने खेलमा आरसी ३२ र स्पोर्टस् एकेडेमी साँगाबीचको खेल दशरथ रंगशालामा दिउँसो साढे १२ बजे सुरु हुनेछ। जारी लिगमा झापा ३१ अंकसहित शीर्षस्थानमा छ। प्लानिङ र आरसी ३२ समान २८ अंकसहित क्रमशः दोस्रो र तेस्रो स्थानमा छन्।
प्रतिक्रिया लेख्नुहोस्:-