काठमाडौं । साफ महिला च्याम्पियसिप फुटबलमा नेपालले श्रीलंकालाई हराएको छ ।
त्रिपुरेश्वरस्थित दशरथ रगंशालामा सोमबार भएको खेलमा नेपालले श्रीलंकालाई ६–० को फराकिलो गोल अन्तरले पपराजित गरेको हो।
नेपालको जितमा अमिसा कार्कीले २ तथा रश्मी कुमारी घिसिङ, सरु लिम्बु, अमृता जैसी, दिपा शाहीले एक एक गोल गरे। जारी साफमा राष्टिय टोलीमा डेब्यु गरेका अमिसा र दीपाले राष्टिय टोलीका लागि पहिलो गोल गरेका हुन्।
खेलको १० औँ मिनेटमा रश्मी कुमारी घिसिङले गोल गर्दै नेपाललाई सुरुवाती अग्रता दिलाएकी थिइन्। रश्मीले हिरा कुमारी भुजेलको क्रसमा गोल गरिन्।
११ औँ मिनेटमा सरु लिम्बुले गोल गर्दै नेपालको अग्रता दोब्बर पारिन्। सरुले अमृता जैसीको क्रसमा हेडर गोल गर्दै गरिन्। १७ औँ मिनेटमा अमृता जैसीले गाृल गर्दै खेललाई ३–० को अवस्थामा ल्याइन्। उनले अमृता जैसीको कर्नरमा हेडर गोल गर्दै अग्रता फराकिलो पारिन्।
३२ औँ मिनेटमा श्रीलंकाकी खेलाडीले दीपा शाहीलाई लडाएपछि पाएको फ्रि कीकमा अनिता केसीको फ्रि कीक पोष्टको नजिकबाट बाहिरिदा नेपालले अग्रता फराकिलो पार्ने मौका गुमायो।
नेपालले पहिलो हाफको इन्ज्युरी समयमा गोल गर्दै खेलमा ४–० को अग्रता बनायो। जारी साफमा डेब्यु गरेकी दीपाले पहिलो गोल गरेकी हुन्।
प्रतिक्रिया लेख्नुहोस्:-