एजेन्सी । टी–२० विश्वकप क्रिकेटमा इंग्ल्यान्ड पाकिस्तानलाई पराजित गर्दै उपाधि कब्जा गरेको छ।
आइतबार अष्ट्रेलियाको मेलबर्नस्थित मेलबर्न क्रिकेट ग्राउण्डमा भएको फाइनलमा इंग्ल्यान्डले पाकिस्तानलाई हराएको हो ।
पाकिस्तानले दिएको १३८ रनको लक्ष्य पछ्याएको इंग्ल्यान्डले १ ओभर बाँकी रहँदै ५ विकेटको क्षतिमा लक्ष्य भेट्टायो।
इंग्ल्यान्डको जितमा बेन स्टोकले अविजित रहँदै सर्वाधिक ५२ रनको योगदान गरे। कप्तान जोश बटलरले २६ र ह्यारी ब्रुकले २० रन जोडे। मोइन अलीले १९ रनको योगदान गर्दा फिल साल्टले १० रन जोडे।
पाकिस्तानका लागि ह्यारिस रउफले २ विकेट लिए भने शाहीन अफ्रिदी‚ मोहम्मद वसिम र सादाब खानले १र१ विकेट लिए। क्याच समात्दा अफ्रिदी घाइते भएकाले उनले २ ओभर १ बलमात्र बलिङ गर्न सके।
टस हारेर पहिले ब्याटिङ गरेको पाकिस्तानले २० ओभरमा ८ विकेट गुमाउँदै १ सय ३७ रनमात्र बनाएको थियो।
प्रतिक्रिया लेख्नुहोस्:-