काठमाडौं । आईसीसी क्रिकेट विश्वकप लिग–२ मा एकदिवसीय अन्तर्राष्ट्रिय सिरिजको दोस्रो खेलमा स्कटल्यान्डले नेपाललाई हराएको छ ।
विन्डहक मैदानमा भएको खेलमा स्कटल्यान्डले नेपाललाई ३ विकेटले पराजित गरेको हो । नेपालले दिएको १३८ रनको लक्ष्य स्कटल्यान्डले ३२ ओभर १ बलमा पुरा गर्यो ।
स्कटल्यान्डलाई जित दिलाउन क्रिस्टोफर माइकब्राइडले सर्वाधिक ४३ रन जोडे । ब्रान्डन म्याकमुलेनले ३२ तथा माइकल लिस्कले २२ रन जोडे । नेपालका लागि सागर ढकाल, कुशल भुर्तेल र ललित राजवंशीले २–२ विकेट लिए । नेपालका लागि गुल्सन झाले सर्वाधिक २९ रन तथा ज्ञानेन्द्र मल्लले २५ रन, अर्जून साउदले १८ र रोहित पौडेलले १७ रन जोडे । स्कटल्यान्डका लागि क्रिस सोलले सर्वाधिक ३ विकेट लिए । मार्क वाटले २ विकेट लिए ।
प्रतिक्रिया लेख्नुहोस्:-