काठमाडौं । एसीसी यू–१९ एसिया कप क्रिकेटको पहिलो खेलमा पाकिस्तानले नेपालमाथि जित निकालेको छ । शुक्रबार यूएईमा सुरु प्रतियोगितामा नेपाल पराजित भएको हो ।
दुबईस्थित आईसीसी एकेडेमी मैदान २ मा जवाफमा पाकिस्तानले २७ ओभरभित्र लक्ष्य पूरा गरेको थियो । अजान अवाइस ५६ रन बनाई अविजित रहे । अर्का अविजित ब्याटर मोहम्मद जिसानले ८ बल खेली २ चौका र २ छक्कासहित २० रन बनाए ।
गुल्शन झाले पहिलो ओभरमै सामिल हुसैनलाई शून्यमा कट एन्ड बोल्ड गरी नेपाललाई उत्कृष्ट सुरुआत दिलाएका थिए । अर्का ओपनर सहजाइब खानलाई गुल्शनले १५ रनमा आउट गरेका थिए । त्यसपछि अवाइस र कप्तान साद बैगले तेस्रो विकेटमा १ सय ८ रनको साझेदारी गरी सजिलै खेल नेपालको हातबाट निकालेका थिए ।
अवाइसले ६२ बल खेली ८ चौका प्रहार गरी ५६ रन बनाए । बैगले ५६ बल खेली ५ चौका प्रहार गर्दै ५० रन जोडे । उनलाई आकाश त्रिपाठीले आउट गरे । गुल्शनले ८ ओभरमा १ मेडन राख्दै ५४ र आकाशले १।२ ओभरमा ८ रन खर्चे ।
प्रतिक्रिया लेख्नुहोस्:-