दूरबिन नेपाल, बेलायत सम्बाददाता
“ मलाई लाग्छ कि म विशेष चीजको प्रतिनिधित्व गर्दछु, महिलाको पुस्ता जुन विश्व परिवर्तन गर्न अगाडि बढिरहेको छ” बेलायती पत्रकार पिअर्स मोर्गनको प्रश्नको यस्तो उत्तर दिएपछि जमैकाकी सुन्दरी टोनी आन सिंहले विश्व सुन्दरी २०१९ को उपाधि हात पारिन । मिस जमैका २०१९ की विजेता २३ बर्षीया टोनी आन सिंहले फस्र्ट रनर अप फ्रान्सकी ओफेली मेजिनो सेकेण्ड रनर अप भारतीय सुन्दरी र सुमन राव सहित एक सय ११ देशका सुन्दरीहरुलाई पछि पार्दै यो उपाधि जितेकी हुन । विश्व सुन्दरीको उपाधि जित्ने सिंह चौथो जमैकन हुन । यस अघि सन १९६३, १९७६ र १९९३ पनि जमैकन सुन्दरीहरुले यो उपाधि जितेका थिए । सिंहलाई अघिल्लो बर्षकी विश्व सुन्दरी भेनेसा पोन्स डे लिओनले ताज पहिराएकी थिइन । विश्व सुन्दरी सिंह ओमन स्टडीज र साइकोलोजीको स्नातक हुन । उनले फ्लोरिडा स्टेट युनिभर्सीटीबाट स्नातक गरेकी हुन ।
नेपाली सुन्दरी श्रेष्ठ उत्कृष्ट १२
नेपालकी अनुष्का श्रेष्ठले विश्व सुन्दरी २०१९ को उत्कृष्ट १२ अन्तर्गत उत्कृष्ट ६ मा आफुलाई पार्न सफल भएकी छिन । नेपाली सुन्दरी अनुष्काले मल्टि मेडिया अवार्ड र ब्युटी विथ प्रपोजको उपाधि हात पारेकी हुन । सुन्दरी प्रतियोगितामा अनुष्काको प्रदर्शन र आत्मविस्वासले यसपाली नेपालले विश्व सुन्दरीको ताज पहिरीन सक्ने अनुमान गरेका थिए । विश्वसुन्दरी प्रतियोगिताको ६९ औं संस्करण बेलायतको लण्डनमा भएको थियो ।
प्रतिक्रिया लेख्नुहोस्:-