अमेरिकन इकोनोमिक एशोसिएसनद्वारा ४० बर्ष मुनिका सर्बाधिक प्रतिभाशाली अर्थशास्त्रीलाई प्रदान गरिने “जोन बेट्स क्लार्क पदक २०१८” नेपाली मुलका अमेरिकी प्राध्यापक पराग पाठकलाई प्रदान गर्ने घोषणा गरेको छ।
शुक्रवार घोषित सो पदक अर्थशास्त्र बिधामा दिईने नोवेल पुरस्कार पछिको सर्वाधिक लोकप्रिय र महत्वपूर्ण मानिन्छ । न्यूयोर्कको कर्निङ सिटिमा सन् १९८० मा जन्मिएका पाठकको परिवार करिब ४० बर्ष अगाडी काठमाण्डौंबाट अमेरिका बसाईं सरेको थियो।विश्व प्रसिद्ध विश्वबिधालय हावर्डमा अध्ययन गरेका पाठक हाल म्यासचुसेट्स इन्स्टिट्यूट अफ टेक्नोलजी (एमआईटी)मा प्राध्यापन गर्छन। टेनिसी स्थित अमेरिकन इकोनोमिक एशोसियशनद्धारा प्रकाशित विज्ञप्ति अनुसार पाठकको ‘Significant Improvement in the Assignment of Student to Public School’ विषयमा गरिएको अनुसन्धानका लागि उक्त पुरस्कार प्रदान गर्ने निर्णय गरिएको हो।
सो पुरस्कारको घोषणा गरिएपछि पाठकले आफ्नो अध्ययन र अनुसन्धानले सफलता पाएको प्रतिक्रिया दिएका छन्।प्राध्यापक पाठक ४० बर्ष मुनीका सर्वाधिक प्रतिभाशाली अर्थशास्त्रीको रुपमा चर्चित छन्।वेट्स पुरस्कार पाएका धेरै प्राध्यापक/अनुसन्धानकर्ताहरुलाई अर्थशास्त्रमा “नोबेल” पुरस्कारको सम्भावित हकदारको रुपमा समेत लिइने गरिएको छ।
प्रतिक्रिया लेख्नुहोस्:-