अमेरिकामा भानु जयन्ती

अमेरिका १५ जुलाई
अमेरिकाको पश्चिम तटिय सहर सानफ्रानसिस्कोमा आइवार स्रष्टाहरूले आदि कवि भानुभक्त आचार्यलाई संभिए । २०५ औँ भानु जयन्तीको अवसरमा अन्तर्राष्ट्रिय साहित्य समाज नर्दन क्यालिफोर्निया च्याप्टरले आयोजना गरेको कार्यक्रममा १८ जना भन्दा बढी स्रष्टाहरूले गीत, गजल, कविता वाचन गरेका थिए ।

विश्व सूचना प्रविधिको केन्द्र सिलिकन भ्यालीमा आयोजित कार्यक्रममा डाक्टर टिका लम्सालले नेपाली भाषा साहित्यको विकास र प्रवद्र्धनमा आदिकवि भानुभक्त आचार्यको योगदान माथि विवेचना गरे । कार्यक्रमका प्रमुख अतिथि मदन दिब्बिमले सङ्गीत र गायन प्रस्तुत गरेका थिए ।

च्याप्टरका महासचिव पवन पौडेल,साहित्यकार डाक्टर दुर्गा दाहाल, हरिहर दाहाल, डिल्ली भट्टराई, विनोद पौडेल, श्री थापा काजी साब, मान्यता हुमागाई, रेवती राज अधिकारी, वन्धु पोखरेल, नारायण खनाल, कृष्ण के सी, घनश्याम न्यौपाने लगायतले आफ्ना रचना वाचन गरे ।

च्याप्टरका अध्यक्ष सवज्र्ञ वाग्लेको अध्यक्षतामा भएको कायक्रमको सञ्चालन गीता वजगाइले गर्नु भएको थियो । च्याप्टरको आजै वसेको कार्यसमिति बैठकले सानफ्रानसिस्को क्षेत्रमा साहित्य सम्बन्धी गुणात्मक कार्यक्रम वढादै लाने निर्णय समेत गरेको छ ।