सानफ्रानसिस्को, १७ नोभेम्बर
जटिल भौगोलिक परिवेशका कारण नेपालको पारवहनका लागि भारतको विकल्पमा चीन हुन नसक्ने नेपाली काँग्रेसका नेता तथा निवर्तमान भारतका लागि नेपाली राजदूत दीपकुमार उपाध्यले बताउनु भएको छ । नेपाली जनसम्पर्क समिति क्यालिफोर्नियाले आयोजना गरेको अन्तरक्रियामा अमेरिका भ्रमणमा रहनु भएका उपाध्ययले चिन कुनै पनि हिसाबले विकल्पमा हुन नसक्ने तर्क गर्नु भयो ।
“भौगोलिक जटिलताका कारण सीमित बाटाहरू छन् । त्यसमा पनि हिउँदमा हिउँले ढाक्छ । बर्षायाममा बाढिपहिरोले छेक्छ । व्यापार पारवहनमा भारतको विकल्प चिन हुँनै सक्दैन ।” उपाध्यायले थप्नु भयो “चीनले पनि यो कुरा नेपाली राजनीतिक दलका नेतृत्वलाई अवगत गराएको छ । नेताहरूले सस्तो लोकप्रियताका लागि भारतको विकल्पमा चिन देखाउने गरेका छन् ।” उपाध्यायले भारतका लागि राजदूत बन्दा नेपालले भोगेको नाकाबन्दी र त्यससँगै तयार भएको प्रतिकुल परिस्थितिमा आफूले सामना गर्नु परेको दबाब र भोगेको उल्झन सुनाउनु भयो ।
कार्यक्रममा पूर्व राजदूत दुर्गेशमान सिंहले परराष्ट्र नीति पार्टी र नेताहरूको निहित स्वार्थ भन्दा माथि हुनु पर्ने बताउनु भयो ।
कार्यक्रममा प्रजातान्तित्र विचार समाजका उपाध्यक्ष सुरेशराज भट्ट, नेपाली जनसम्पर्क समितिका बरिष्ठउपाध्यक्ष धनन्जय नरसिंह केसी, सचिव ईश्वर सापकोटा, महासमिति सदस्यद्वय हरिबोल भण्डारी,जयराम तमाल जनसम्पर्क समितिका केन्द्रीय सदस्य चन्द्र धिताल, रामजी पन्त, विष्णु शाह, पूर्ण बानियाँ, बन्धु पोखरेल, लगायतले आफ्नो धारणा राखेका थिए ।
नेपाली जनसम्पर्क समिति क्यालिफोर्नियाका अध्यक्ष पूर्ण शेर्पाको अध्यक्षतामा भएको कार्यक्रम सचिव हरि भट्टले सञ्चालन गरेका थिए ।
प्रतिक्रिया लेख्नुहोस्:-