आठौं पटक जित्याे मनाङले शहीद स्मारक ए डिभिजन लिग, रच्याे दाेहाेराे इतिहास 

काठमाडाै । नेपाली फुटबलकाे सर्वाधिक सफल क्बल मनाङ मर्याङ्दीले फेरी अर्काे इतिहास काेरेकाे छ । राजधानीमा जारी शहीद स्मारक ए डिभिजन लिगमा मनाङ दुई खेल खेल्नु अगाडी नै च्याम्पियन भएकाे छ ।

ललितपुरकाे सातदाेवाटाे स्थित एन्फा मैदानमा भएकाे खेलमा दाेस्राे स्थानमा रहेकाे संकटालाई ३ – १ गाेल अन्तरले हराए पछि मनाङकाे उपाधि पक्का भएकाे हाे । मनाङकाे ११ खेलमा ३३ अंक भएकाे छ । समान खेलमा संकटा २५ अंकमा राेकिएकाे छ । मनाङले अब फ्रेण्ड्स र हिमालयन शेर्पा क्लब सँग खेल्न बाँकी छ ।

दुई खेल खेल्न बाँकी रहँदै मनाङलाई उपाधि पक्का गराउने क्रममा बिहवार विशाल राई दृश्यमा रहे । एक गाेल गरेका उनले अर्काे गाेलका लागि अवसर शृजना गरे । मनाङले पहिलाे हाफकाे अन्त्य तीर अग्रता लिन सफल भयाे ।

पहिलाे हाफकाे अतिरिक्त समयमा  विशाल राईले गाेल गरे । ८२ औं मिनेटमा पुजन उपरकोटीले मनाङकाे अग्रता दाेब्वर पारे । पुजनले विशालकाे कर्नरकाे हेडिङ मार्फत सदुपयाेग गरे । ८७  औं  मिनेटमा अड्लेजा सोमिधाले अर्काे गाेल गरे । ९० औं मिनेटमा संकटाका सेड्रिक ओलावाले फर्काए पनि त्याे मनाङकाे इतिहासमा बाधक बन्न ढिला भइ सकेकाे थियाे ।

याे जित सँगै मनाङले एकै पटक दुई इतिहास बनायाे । पहिलाे त मनाङ  आठौं पटक लिग च्याम्पियन भयाे । अर्काे  सबै खेलमा पुरा तीन  अंक सहित । लिगकाे ईतिहासमा कुनै पनि खेल नहारी र बराबरी पनि नखेली उपाधि जित्ने मनाङ पहिलाे हाे ।

तत्कालिन समयमा ठमेल ११ प्रतिवन्धमा परे पछि खुलेकाे मनाङले शहीद स्मारक लिग प्रवेस गरेकै बर्ष डी, सी, बी हुदै २०४३ सालकाे ए डीभिजन  जितेकाे थियाे । २०४४ सालमा मनाङले उपाधि रक्षा गर्याे । त्यस पछि  २०४६, २०५७, २०६० र  २०६२ काे पनि लिग मनाङले जित्दै सबै भन्दा धेरै पटक लिग जितेकाे टाेली रानीपाेखरी कर्नर टिम आरसीटी सँग बराबरी गरेकाे थियाे ।

त्यसपछि  २०७० मा पनि लिग जित्दै मनाङले ६४ वर्षे लिग इतिहासमा सर्वाधिक साताै पटक लिग जित्ने इतिहास बनाएकाे थियाे ।

मनाङका प्रशिक्षक सुमन श्रेष्ठले लिगकाे कुनै पनि खेल नहारी उपाधि जितेकाे इतिहास बनाउने लक्ष्य भएकाे यस अगाडि नै बताएका छन । “ हाम्रो लक्ष्य अब  लिगमा बाँकी रहेको  खेल जितेर नयाँ कीर्तिमान बनाउने हो । अहिलेसम्म कसैले त्यसो गर्न सकेका छैनन् । हामी कुनै खेल बराबरी नखेल्ने, नहार्ने र सबै जितेर नयाँ कीर्तिमान बनाउन चाहन्छौँ ।”

त्यसका लागि मनाङले अब हिमालयन शेर्पा र त्यस पछि फेण्डस क्लबलाइ हराउनु पर्ने हुन्छ ।