काठमाडाैं । संसदीय सुनुवाइ विशेष समितिले प्रस्तावित प्रधानन्याधीश चाेलेन्द्र सम्मशेर राणाकाे बारेमा आइतवार निर्यण लिन सकेन । सांसदहरूले बाेल्न बाँकी रहेकाे भन्दै समितिकाे बैठक मंगलवार सम्म स्थगित भएकाे छ । आइतवार सिंहदरबारस्थित संसदीय सुनुवाइ विशेष समितिमा राणाको सुनवाइ भएकाे हाे ।
सभापति लक्ष्मणलाल कर्णकाे अध्यक्षतामा बसेकाे बैठकमा प्रस्तावित प्रधानन्यायधीशलाइ सांसदहरूले दर्जनभन्दा बढी प्रश्न गरे। संसदीय समितिमा परेका उजुरी र प्रमाणका आधारमा प्रश्नहरू सोधिएका थिए।
राणामाथि ब्ल्याकमेल गर्दै न्यायालयभित्रिएकाे, म्यारिज भन्ने तासकाे मनोरञ्जनात्मक खेल भनेर फैशला गरेकाे, ट्रसकाे नाममा रहेकाे पूर्व राजाकाे सम्पति प्रेरणा शाहकाे नाममा गरेकाे, वीरगंज वडा नम्बर २ को धार्मिक एवं एतिहासिक छपकैया पोखरी व्यक्तिकाे नाममा हुने गरि फैसला गरेकाे, राेयल क्याशिनाे सञ्चालन सम्वधकाे फैसला लगायताका प्रश्न साेधिएकाे छ ।
संसदीय बैठक राणााकाे कार्ययाेजना भन्दा पनि उनीमाथिका आराेपमा नै सांसद केन्द्रीत भए । राणाले १५ पृष्ठ लामो कार्ययोजना प्रस्तुत गरे।
भ्रष्टाचारमा शून्य सहनशीलतादेखि एनजीओ आइएनजीको प्रवेशमा रोकसम्मको योजना उनले पेस गरेका छन् ।
अब उठेका प्रश्नहरूको जवाफ राणााले मंगलवारको बैठकमा दिनेछन्। राणाकाे जवाफ पछि नै प्रधानन्यायाधीश हुने नहुनेबारे फैसला हुनेछ। संसदीय सुनुवाइ समितिबाट राणा स्वीकृत भएमा करिब ४ वर्ष प्रधानन्यायाधीशको जिम्मेवारी सम्हाल्नेछन्। संसदीय समितिले यस अघि प्रस्तावित प्रधानन्यायाधीश दीपकराज जोशीलाई अस्वीकृत गरेकाे थियाे ।
प्रतिक्रिया लेख्नुहोस्:-