काठमाडाै । वाइडबढी खरिदमा भ्रष्ट्राचार गरेकाे भन्दै नेपाल वायु सेवा निगमका महाप्रबन्धक सुगतरत्न कंशकारलाई उनकै कार्यकक्षमा कालाेमाेसाे दलिएकाे छ । मोहन वैद्य किरण नेतृत्वको नेकपा (क्रान्तिकारी माओवादी) निकट युवा संगठनले शुक्रवार कालोमोसो दलेकाे हाे ।
कालाेमाेसाे अमिर महर्जनको टोलीले दलेको बताइएकाे छ । पार्टीको केन्द्रीय नीति अनुरुप स्थानीयस्तरमा भ्रष्टाचारीलाई कारवाही गर्ने कार्यक्रम अनुरुप कालोमोसो दलिएको संगठनले जनाएकाे छ ।
संघीय संसद्को सार्वजनिक लेखा समितिको उपसमितिले वाइडबडी जहाज खरिदमा ४ अर्ब ३५ करोड ५६ लाख रुपैयाँको भ्रष्टाचारको भन्दै कारवाहीकाे लागि सिफारिस गरेकाे छ ।
समितिले अनियमितताका प्रमुख दोषी नेपाल वायुसेवा निगमका महाप्रबन्धक सुगतरत्न कंसाकारलाइ ठहर गरेकाे छ । यस्तै अन्य दुइ मन्त्री र तीन सचिव पनि कारवाहीको सिफारिसमा परेका छन् ।
प्रतिक्रिया लेख्नुहोस्:-