माेरङ पुगेर देउवाले भने : सरकारले वाइडबडी  विमान भ्रष्ट्राचार लुकाउन खाेज्याे,  भ्रष्ट्राचारीलाई काँग्रेसले छाड्दैन 

मोरङको लेटाङ नगरपालिकामा  काँग्रेसकाे भ्रातृ सङ्गठन नेपाल राष्ट्रिय मगर सङ्घको  प्रदेश नं १ स्तरीय दुईदिने प्रशिक्षण कार्यक्रमको  उद्घाटन  गर्दै  सभापति देउवाले छुट्टै छानवीन समिति बनाएकाेले सरकारले भ्रष्ट्राचार लुकाउनेमा शंका बढेकाे बताए ।

सार्वजनिक लेखा समिति अन्तर्गतको उपसमितिले छानविन प्रतिवेदन तयार पारेको भोलिपल्टै सरकारले आयोग बनाएको थियो । यसले वाइडबडीमा भएको भ्रष्टाचार लुकाउन खोजेको हो कि भन्ने आशंका उत्पन्न भएको देउवाले बताए । उनले भ्रष्ट्राचारी जाे सुकै भए पनि  नछाड्ने बताएका छन् । “घटनामा संलग्न जोसुकै भए पनिकाँग्रेस छाड्दैन” ।

देउवाले जनताको इच्छा र चाहनाअनुसार काम गर्न नसकेका कारण सरकार विभिन्न विवादमा फस्दै गएको  बताए । ” सरकारले शिक्षा, सञ्चार, प्रहरी सङ्गठनलगायतका क्षेत्रमा हस्तक्षेप गरेको छ  त्यसका विरुद्ध कांग्रेसले अब देशभर आन्दोलन शुरु गर्छ ।”