धनगढी । संकटा क्लब तेस्रो नेपाल आईस अन्तर्राष्ट्रिय सुदूरपश्चिम खप्तड गोल्डकपको क्वाटरफाइनलमा पुगेकाे छ । धनगढी रंगशालामा शुक्रवार भएकाे खेलमा गोर्खा ब्वाइज रुपन्देहीलाई २–0 ले हराउदै संकटा दाेस्राे चरणमा पुगेकाे हाे ।
काठमाडाैंमा हालै मात्र सम्पन्न शहीद स्मारक ए डिभिजन लिग दाेस्राे स्थानमा टुङ्गाएकाे संकटा माेफशलकाे टिम विरूद्द गाेलका लागि पहिलाे हाफकाे अन्त सम्म कुर्नु पर्याे । त्यसाे त साताै मिनेटमा संकटा गाेलकाे अवसरबाट चुक्याे । लक्ष्मण रुचालको फ्रिकिकमा सरोज दाहालको फ्लिक पोस्टभन्दा थोरै माथिबाट बाहिरियो । त्यसाे त १८ औं मिनेटमा गोर्खा ब्वाइजका शिव श्रेष्ठले झन्डै २५ यार्ड टाढाबाट गरेको प्रहारलाई संकटाका गोलरक्षक राजाबाबु थापाले पन्च गरिदिए ।
३८ औं मिनेटमा गौतम श्रेष्ठको क्रसमा कजिमको शक्तिशाली प्रहारलाई संकटाका रक्षक राजाबाबुले उत्कृष्ट डाइभ दिँदै बचाए । अतिरक्त समयकाे दाेस्राे मिनेटमा संकटाले अग्रता लियो । रवि सिलवालले संकटाका लागि पहिलाे गाेल गरे । रविले जय गुरुङको पासकाे सदुपयाेग गरेका थिए ।
दोस्रो हाफमा पनि संकटाले एक गाेल थप्याे । ८३ औं मिनेटमा एलोन म्याक्सवेलले गाेल गरे । उनले फोफाना इब्राहिमको क्रसकाे सदुपयाेग गरेका थिए ।
संकटाले माघ १ गते क्यामरुनको धाउफिन्स एफसीकोसामना गर्नेछ ।
खेल पछि संकटाका प्रशिक्षक सल्यान खड्गीले जित दर्ता गरेपनि मैदानको अवस्थाका कारण प्रदर्शन सोचेअनुरुप हुन नसकेको बताए । यस्तै गोर्खा ब्वाइजका प्रशिक्षक दयाराम श्रेष्ठले पाएको अवसर सदुपयोग गर्न नसक्दा हार बेहोरेको बताए ।
अब शनिबार देखि क्वाटरफाइनल चरणका खेलहरु हुनेछ । पहिलो क्वाटरफाइनलमा सशस्त्र प्रहरी बल र मेची नेत्रालय काक्करभीट्टा ट्रेनिङ सेन्टर खेल्नेछन् ।
प्रतिक्रिया लेख्नुहोस्:-