काठमाडौं । विषेशत सामाजिक सञ्जालमा ठूलै हल्लिखल्लिका साथ उदाएकाे पूर्व पत्रकार रवीन्द्र मिश्रकाे पार्टी विवेकशिल साझ फुटेकाे छ । मुलुककाे कायपलट गर्ने महत्वाकांक्षा सहित गठन भएकाे पार्टी नेतृत्वले व्यक्तिगत महत्वाकांक्षाकाे लाेभ देखाउदा एकिकरणाकाे १७ महिनामा नै पार्टी फुटेकाे हाे ।
संयोजक उज्ज्वल थापा पक्षले ३५ मध्ये १६ केन्द्रीय सदस्यसहित नयाँ दल दर्ताका लागि निर्वाचन आयोगमा शुक्रबार निवेदन दिएका छन ।
बीबीसी नेपाली सेवाकाे जागिर छाेडेर नयाँ पार्टी खाेल्दै राजनीतिमा हाेमिएका रवीन्द्र मिश्रकाे कार्यशैलीमा असहमति जनाउदै गत साता पार्टीका अर्का संयाेजक उज्ज्वल थापाले पार्टी रणनीतिको समीक्षाका लागि भन्दै १८ पानाको प्रतिवेदन बुझाएका थिए। थापाकाे प्रतिवेदन पछि पार्टी भित्रकाे विवाद सतहमा आयाे र एक करणकाे दाेस्राे बर्षगाँठ मनाउन नपाउदै पार्टी दुइ चीरा भयाे ।
स्थानीय निर्वाचन पछि २०७४ साउन ११ गते रवीन्द्र मिश्रकाे साझा र उज्ज्वल थापाकाे विवेकशिल एकिकरण भएर विवेकशिल साझा नाममा मिश्र र थापा दुबै जना संयाेजक रहने गरि पार्टी संचालन हुदै आएकाे थियाे । थापाले प्रतिवेदनमा ‘सहभागितामूलक, समन्वयकारी, परिपूरक नेतृत्वहरुद्वारा दल सञ्चालित हुनुपर्नेमा झनै सीमित थोरै नेतृत्वमा शक्तिको चरम केन्द्रीकरण भएको ‘ उल्लेख गरेका थिए ।
यस्तै थापाले ‘ दल भित्रका सदस्यहलाई जिम्मेवारी दिन चरम हिच्किचाहट वा डर वा अनुदारताले दल हराएको जस्तो देखिएको’ समेत प्रतिवेदनमा लेखेका थिए ।
थापाले दलले होस र जोसलाई अँगाल्न नसकेको, परिपाटी बसाल्ने पार्टी बनाउनमा चासो कम देखिएको, दलले गति लिन नसकेको र ढंग पनि पर्याप्त नदेखिएको, डरको राजनीति हाबी भएको लगायतका बुँदामा रही पार्टीका समस्याका जडहरु केलाएका थिए।
थापा समूहमा रन्जु न्यौपाने (दर्शना), साधना राई, सुबुना बस्नेत, अजिता राई, अनुसा थापा, मिलन पाण्डे, जीवन श्रेष्ठ, गोविन्द नारायण तिमिल्सिना, रमेश पौड्याल, शशीविक्रम कार्की, ज्ञानेन्द्र निरौला, पुकार बम, विराजभक्त श्रेष्ठ, आशुतोष तिवारी, अर्जुन सिंह ठकुरी छन्।
प्रतिक्रिया लेख्नुहोस्:-