वासिन्टन डीसी । अमेरिकी सरकारद्वारा प्रदान गरिएको टीपीएसको दिर्धकालिन समाधानको माग गर्दै मंगलवार राष्ट्रपति कार्यलय ह्वाइटहाउस र संसद भवन क्यापिटल हिल अगाडि प्रर्दशन भएको छ । खराब मौषमका बीच पनि सयौंले प्रर्दशनीमा भाग लिएका छन ।
प्रर्दशनीमा नेपाल सहित १३ देशका नागरिकले भाग लिएको जनाईएको छ । प्रर्दशनीमा टीपीएस सुविधा लिएका र अन्य पनि सहभागि थिए । द नेशनल टीपीएस एलायन्सको नेतृत्वमा भएको प्रर्दशनका क्रममा उनीहरूले टीपीएसको स्थायी समाधानको लागि पहल गर्न अमेरिकी संसद समक्ष अपिल समेत गरे ।
न्युयोर्क कार्यक्षेत्र बनाएर आप्रवासीहरूका लागि सामाजिक कार्यगर्दै आएको अधिकार सस्थाले नेपालीहरूको अगुवाई गरेको थियो । प्रर्दशनीमा भाग लिन न्युयोर्क, न्युजर्सी र आसपासका नेपाली पनि डीसी पुगेका थिेए । केही नेपाली संस्थागत व्यानर सहित सहभागि भए ।
सोमवार देखि जारी हिमपात र बर्षाले निकै चिसिएको मौषमका बीच प्रर्दशन भएको हो । प्राकृतिक विपत्तिमा परेका तथा राजनैतिक संकट रहेका देशका जनतालाई अमेरिकी सरकारले छोटो समयको लागि बैधानीक हैसियतमा बस्नका लागि दिईने सुविधालाई टीपीएस भनिन्छ । यो सुविधा लिएका व्यक्तिले अमेरिकामा बैधानीक रूपमा काम गर्न पाउछन । २०७२ सालको महाभुकम्प पछि नेपालले पनि यो सुविधा पाएको थियो । हाल झण्डै नौ हजार नेपालीले यो सुविधा लिएको जनाईएको छ ।
अमेरिकी सरकारले नेपाली सहित अन्य केही देशका नागरिकले लिएको यो सुविधाको म्याद नथप्ने निर्णय गरेको छ । यदी अमेरिकी सरकार आफ्नो निर्णयमा यथावत रहेमा यो सुविधा लिनेको बैधानिक हैसियत संकटमा पर्ने छ ।
नेपाल र होण्डुरसका केही व्यक्तिले टीपीएस सुविधा अन्त्य गर्ने अमेरिकी सरकारको निर्णय विरूद्ध नाईन्थ सर्किट कोर्टमा मुद्दा दायर गरेका छन् ।
तस्वीर सौजन्य : विनीता तामाड्ग
प्रतिक्रिया लेख्नुहोस्:-