पछिल्लो समय नेपाली चलचित्रमा सिक्वेलको निर्माण गर्ने ट्रेण्डिङ छ । त्यसै बिच प्रेम गीत ३ ले दुई लिड फिमेल तय गरेको छ । अडिसन प्रक्रियापछि यी दुईलाई छनौट गरिएको निर्माता कम्पनी आसुसेन फिल्मसले जनाएको छ । मुख्य अभिनेत्रीमा क्रिस्टिना गुरुङ छानिएकी छन् भने प्रदीप खड्का, मनिष राउत, शिव श्रेष्ठ लिड मेलमा तय छन् ।
भदौदेखि छायाङ्कन सुरु हुने फिल्मलाई सन्तोष सेन र छेतेन गुरुङले मिलेर निर्देशन गर्न लागेका हुन् । प्रेम गीतको तेस्रो श्रृंखलालाई यस पटक उपल्लो मुस्ताङमा छायाङ्कन गरिँदै छ ।
अभिनेत्रीमा मंगोलियन लुक्स आवश्यक भएको निर्माताले बताउँदै आएका थिए । तर नेपाली चलचित्रमा निर्माण अगावै चर्चा पछि दौडिरहने चलन पनि नयाँ होइन ।
त्यसैले कतिपय फ्लप चलचित्रका हिट नायिकाहरू पनि यतीखेर फुर्सदमा नै छन् । यद्यपि नेपाली निर्माता भने नयाँ कै पछि दौडिरहेको छ । त्यसैले कथाको माग हो की चर्चा यो दुवै वुझन भने प्रेम गीत ३ को प्रदर्शन पछि मात्र थाहा हुनेछ ।
प्रतिक्रिया लेख्नुहोस्:-