दूरबिन नेपाल, न्युयोर्क
४१ बर्षीया एन्जेलिना बारिनी जो पेशाले यौनकर्मी हुन । तर उनको कर्म यौनमात्र हो भन्न सकिदैन किनकी उनी हत्या, डकैती तथा चोरीको आरोपमा हिरासतमा छिन । उनी कुन देशकी नागरिक हुन पत्ता लागिसकेको छैन । तर आफुलाई क्यानाडाको नागरिक दावी गर्छिन । बारिनी जब प्रहरी हिरासतमा आइन तब मात्रै उनका कर्तुतहरु बाहिरीन थाले । उनीमाथीको गम्भिर छानविन अझै जारी छ ।
यो घटनाले पटाक्षेप गर्यो बारिनीका कर्तुत
उनका कर्तुतहरुको पर्दाफास तब भयो जब ग्राण्ड सेन्टर टर्मिनलको एक रेष्टुरांका मुख्य सेफको लगभग कुहिएको शब बरामद भयो । ३१ बर्षीय एंड्रिया जम्परोनी जो इटलीयन हुन । ग्राण्ड सेन्टर टर्मिनलको सिप्रीयानीका मुख्य सेफ केहि दिनदेखि हराएको उजुरीको आधारमा खोजी गर्दै जांदा उनको शब क्वीन्सको एक मोटलमा भेटियो । तर शब यस्तो अवस्थामा भेटियो पहिचान गर्न मुस्किलमात्र होइन दुर्गन्धित अवस्थामा भेटियो । सिसिटीभी फुटेजमा बारिनी बारम्बार भित्र बाहिर गरेको दृश्यहरु कैद छन तर मृतक जम्परोनी भित्र छिरेपछि बाहिर निस्केको देखिंदैन । प्रहरीले उनलाई नशालु पदार्थ खुवाएर मारेको आशंका गरेको छ । तर आरोपी यौनकर्मीले उनलाई उत्तेजना बढाउने औषधिमात्र दिएको बताएकी छिन । जुन उनले दलाल मार्फत प्राप्त गरेकी थिइन । यौनकर्मी बारिनी पक्राउ परेपछि उनका बारे थप अचम्म लाग्दा तथ्यहरु बाहिर आउन थाले ।
अन्य कैयन आपराधिक कार्यहरुको पर्दाफास
आफुलाई क्यानाडाकी नागरिक बताउने बारिनीमाथी अन्य हत्याको आरोपपनि लागेको छ । जुलाई ११ तारिखमा क्वीन्सको उडसाइडमा एक व्यक्ति मृत अवस्थामा भेटिए । उनी २८ बर्षीय जिन एलेजेन्डर सिल्भरो थिए । त्यस्तै त्यसको केहि दिन अघि लागुवार्डिया एअर वे इनमा पनि ४ जुलाईमा एक व्यक्ति मृत भेटिए । मृतक दवैलाई नशालु औषधि खुवाइएको थियो । मृतक दुवै जनासंग यौनकर्मी बारिनीको सम्बन्ध रहेको प्रहरीले प्रष्ट्याएको छ । भिडियो रेकर्डमा तीनै जना मृतकहरुसंग बारिनीको सम्बन्ध देखिन्छ ।
बारिनीका अनुसार मृतकहरु उनका दलालले खोजिदिएका ग्राहकहरु हुन । उनीहरुलाई खुवाएको नशालु औषधि उत्तेजना बढाउने तरल पदार्थ हो जसलाई उनले दलालमार्फत प्राप्त गरेकी हुन । तर संघीय अदालतमा उनी विरुद्ध विभिन्न दलाल तथा एजेन्सीहरुसंग काम गरेको तथा ग्राहकलाई बेहोश बनाई लुटेको र हत्या गरेको आरोप लागेको छ । बताइए अनुसार सन २००१ देखि अहिलेसम्म बारिनी कम्तीमा २५ पटक पक्राउ परिसकेकी छिन । पहिलापनि उनीमाथी वेश्याबृत्ति, नशालु औषधि तथा चोरी लगायतका कैयन आरोपहरु लगेका छन अदालतले अब यौनकर्मी बारिनीमाथी कस्तो फैसला गर्छ प्रतिक्षाको बिषय छ ।
तस्विरः एजेन्सी
प्रतिक्रिया लेख्नुहोस्:-