अमेरिकी राष्ट्रपति ट्रम्पलाई अदालतको झटकाः माग्यो आठ बर्षदेखिको कर विवरण

दूरबिन नेपाल, न्युयोर्क
अमेरिकी राष्ट्रपति डोनल्ड ट्रम्पलाई न्युयोर्कको अदालले कर फिर्ता सम्बन्धी आठ बर्षदेखिको विवरण मागेको छ । न्युयोर्क काउन्टीको डिष्ट्रिक अटर्नी साइरस बेसको कार्यालयले ट्रम्प संलग्न रहेको फर्म मजार युएसएको आठ बर्ष देखिको कर फिर्ताको विवरण मागेको हो । मजार युएसएले ट्रम्प र उनीसंग सम्बन्धित संस्थाहरुको अकाउन्टिङ सम्बन्धि कार्य गर्दै आएको छ । यसबारे राष्ट्रपति ट्रम्पले आइआरएसको अडिट चलिरहेको बेला आफ्नो कर फिर्ताको विवरण सार्वजनिक गर्न नमिल्ने दावी गरेको समाचारहरुमा जनाइएको छ । तर नियम मुताबिक अडिटले व्यक्तिको कर फिताको विवरण सार्वजनिक गर्न रोकिदैन । यद्यपि ट्रम्प पक्षीय वकिलले भने अदालतको आदेशको पालना गरिने जनाएका छन । मजार कम्पनीले पनि अमेरिकी कानुनको पालना गरि फर्म सञ्चालन गरिएकोले अदालतले भने अनुसार नै गरिने बताएको छ । ट्रम्प अर्गनाइजेसनका वकिल मार्क मुकेसीले अदालतको आदेशको अध्ययन भइरहेको र यसबारे उचित जवाफ दिने बताएका छन ।
ट्रम्प अर्गनाइजेसनले आफ्ना पूर्व वकिल माइलक कोहेनलाई एक लाख तीस हजार डलर दिएको थियो, जुन रकम कोहेलले वयष्क चलचित्र अभिनेतृ स्टार्मी डेनियल्सलाई ट्रम्पसंगको सम्बन्ध गोप्य राख्नुपर्ने शर्तमा दिइएको आरोप लगाइएको थियो । जुन बेला राष्ट्रपति ट्रम्प चुनाव लडिरहेका थिए । अहिले सो रकमको श्रोतको बारेमा पनि प्रश्न उठाइएको छ ।