राष्ट्रपति ट्रम्पलाई महाअभियोग लगाउन सकिने अमेरिकी सभामुखको जिकिर

जाङबु शेर्पा, दूरबिन नेपाल
अमेरिकी तल्लो सदनका सभामुख न्यान्सी पेलोसीले अमेरिकी राष्ट्रपती डोनाल्ड ट्रम्पमाथि महाअभियोग लगाउन सकिने दावी गरेकी छिन । राष्ट्रपतीय निर्वाचनभन्दा एक वर्ष अघि संविधान विपरित विदेशी नेताहरुसंग गोप्य सम्पर्क गरेको आरोपमा महाअभियोग लगाउन सकिने वताएकी हुन । मंगलवार तल्लो संसदलाई सम्वोधन गर्दे सभामुख पेलोसीले महाअभियोग निम्ति अधिकारीरुपमा छलफल अघि वढाउने सकिने जानकारीपनि दिएकी छन । यता रिपव्लिकन पार्टीका प्रगतीशिल सांसदहरुले भने महाअभियोगको विरोध गर्दै आएका छन । पेलोसिले राष्ट्रपती ट्रम्पले अमेरिकी संविधान र कानुनको मर्म विपरित राष्ट्रलाई घात गरेको यथेष्ट प्रमाण भएको दावी गर्दै महाअभियोग लगाउन सकिने थुप्रै कारणहरु रहेको वताएकी हुन । राष्ट्रपती ट्रम्पले भने डेमोक्रेटहरुले आफ्नो राष्ट्रसंघको यात्रमा भाँजो हाल्न खोजेको वताउदै युक्रेनी राष्ट्रपतीसंग भएको संवादवारे आफूले जानकारी गराउने वताएका छन । डेमोक्रेटहरुले भने निर्वाचनको संघारमा राष्ट्रपती ट्रम्पले युक्रेनी राष्ट्रपती भ्लोदोरि जेलेस्किसंग राजनीतिक सहयोग मागेको आरोप लगाएका छन । राष्ट्रपती ट्रम्पले गत हप्ता युक्रेनी राष्ट्रपतीसंग भएको संवादवारे वुझदैं नवुझि टिप्पणी गर्नु जायज नभएको उल्लेख गर्दे युक्रेनसंग अमेरिकाले गर्न सक्ने सैन्य सहयोग र भ्रष्टचार नियन्त्रणलगायतको विषयमा मात्र आफूले कुरा गरेको दावी गरेका छन । राष्ट्रपती ट्रम्पमाथिको महाअभियोगलाई लिएर यतीखेर अमेरिकी राजनीति माहौल तातेपनि विश्लेषकहरुले भने महाअभियोगको प्रस्ताव तल्लो सदनवाट पारितै भएपनि सिनेटमा रिपव्लिकनको वहुमत रहेकोले प्रस्ताव अघि वढ्न मुश्किल हुने जनाएका छन । अमेरिकी राष्ट्रपतीय इतिहासमा हालसम्म कसैलाई पनि महाअभियोगवाट पदच्यूत गरिएको छैन ।