न्युयोर्कको एक सङ्घीय अदालतले ट्रम्प प्रशासनद्वारा जारी गरिएको एक आदेश विरुद्ध अस्थायी निषेध जारी गरेका छन् ।
ट्रम्प प्रशासनले चार महिना अघि मात्र कुनै पनि आप्रावासिले (फुड स्टयाम्प) अर्थात् खाद्यत्र र औषधीलगायतका प्रयोग गरेको भेटिएमा उनीहरूको ग्रिन कार्डलाई नै रोक्का गर्ने बताउँदै यसै वर्षको अक्टोबर यता उक्त नियम लागू गर्न आदेश जारी गरिएको थियो ।
विवादास्पद नियमले आप्रवासीहरूलाई ग्रिन कार्ड प्राप्त गर्नको निम्ति कठिन भएको बताउँदै न्यु योर्क राज्य लगायत पाँच अन्य सामाजिक सङ्गठनले सङ्घीय अदालतमा मुद्दा दायर गरेका थिए ।
दक्षिणी जिल्ला न्युयोर्कका न्यायाधीश जर्ज बि डानिएल्सले शुक्रवार दिउँसो फैसला सुनाउँदै यो नियमको कुनै औचित्य नै नरहेको बताएका छन् । फैसलामा आप्रँवासिहरुले कडा परिश्रम र गतिशीलता मार्फत समृद्धि र सफलताको बाटोमा हिँडिरहेको बताउँदै ट्रम्प प्रशासनको नियम अमेरिकी सपना विपरीत रहेको उल्लेख गरेका छन् ।
फैसलाको अध्यागमन अधिकारकर्मीहरुले भने स्वागत गरेका छन् । ट्रम्प प्रशासनको सो नियम भेदभावयुत्त भएको बताउँदै अधिकारकर्मीहरुले विभित्र राज्यमा दायर
गरेका मुद्दाहरू अझै विचराधिन अवस्थामा नै रहेका छन् ।
ह्वाइट हाउसले भने आफूहरूले नयाँ नियम बनाएर आदेश जारी नगरेको बताउँदै वर्तमान कानुनमा नै पभिाषित गरेर उक्त नियम बनाएको बताएका छन् ।
यता यूएससिआइएस का निर्देशक केन कुइन्सिलिले पनि ट्रम्प प्रशासनको नयाँ नियमले हात खुट्टा चलाएर खानेलाई असर नगर्ने बताएका छन् ।
ह्वाइट हाउसको उक्त आदेश पश्चात् अधिकांश आप्रावासिले फुड स्ट्याम्प र मेडिकल लगायतको सुविधा त्यागेका थिए ।
प्रतिक्रिया लेख्नुहोस्:-