अमेरिका । ट्रम्प प्रशासनले अध्यागमन सम्वन्धि विभिन्न आवेदनहरुमा शुल्क वृद्धि गर्ने निर्णय गरेको छ । शुक्रवार गरेको निर्णय अन्तर्गत शरण आवेदनमा पनि थप ५० डलर वढाएको छ । यूएससिआइले शुल्कवृद्धि वारे स्पष्ट पार्दे हाल अध्यागमनको विभिन्न विभागमा आवेदनहरुको चाप वढेकोले त्यसलाई दुर्त प्रकृयाबाट अगाडि बढाउन शुल्क बढाएको जनाएको छ ।
यूएससिआइएसका अनुसार डेफर्ड एक्शन फर चाइल्डहुड एराइभल्स (डाका) को दुई वर्षे नविकरण गर्न समेत २ सय ७४ डलर शुल्क तोकेको छ । ओवामा प्रशासनले वाल्य अवस्थामा नै अमेरिका प्रवेश गरेर कागज पत्र विहिन भएका नावालक आप्रावासिहरुको निम्ति डाका मार्फत वैधानिक प्रकृयामा समायोजन गरेका थिए ।
यूससीआईएसका कार्यवाहक निर्देशक केन कुइन्सेलीले कार्यलयको आयस्रोत र खर्चको आधारलाई विश्लेषण गरेर शुल्क निर्धारण गरेको वताउदै प्रस्तावित शुल्कले आवेदकहरूको आवेदनको सवै खर्च प्रकृया पुर्तलिकरण गर्ने र पूर्व वजेटलाई कम गर्ने उल्लेख गरेका छन् ।
कुइन्सेलीले शुल्क वृद्धिले त्यसको फाइदा आप्रावासिहरुलाई भएको दावी गरेका छन् । उनले यसले विभित्र अध्यागमन आवेदनमाथिको विश्लेषण तथा छानविनमाथिको खर्चलाई समेट्नको साथै लागत अनुरुप त्यसले दुर्तरुपमा प्रक्रिया अघि वढाउने वताए । तर तल्लो सदनका यूवा सांसद इहान ओमारले भने शुल्क वृद्धिमाथि कडा टिप्पणि जनाउदै शरण चाहने व्यक्तिहरूले पहिले नै पर्याप्त चुनौतिहरूको सामना गर्नु परेको उल्लेख गर्दै उनीहरूको समस्यामा शुल्क लिनु निर्दयी हुने धारणा राखेकी छिन् ।
।
उनले भनिन् –म यस प्रस्तावित नीति र हिंसा, दुरुपयोग, र गरीबीबाट भागिरहेका मानिसहरूलाई थप क्षति पुर्याउने हरेक कदम विरूद्ध लड्नेछु। यता विपक्षीहरुले भने गरिब आप्रवासी र अमेरिकामा घर बनाउन खोज्ने शरणार्थीहरुका लागि अवरोध बढेको वताउदै विरोध गरेको छ ।
एजेन्सि
प्रतिक्रिया लेख्नुहोस्:-