अमेरिकाको क्यालिफोर्निया धेरै मानिसहरु बसोबास गर्ने राज्य

दूरबिन नेपाल
अमेरिकाको क्यालिफोर्निया सबैभन्दा धेरै अवादी भएको राज्य बनेको छ । अमेरिकी सेन्ससको तथ्यांकलाई आधारमान्दै वल्र्ड एटलसले जारी गरेको रिपोर्टमा क्यालिफोर्नियाको जनसंख्या तीन करोड ९५ लाख ५७ हजार ४५ रहेको जनाइएको छ । क्यालिफोर्नियामा चलचित्र तथा कृषि उद्योगहरुका कारणपनि मानिसहरुको बसोबार धेरै भएको हुनसक्ने अनुमान गरिएको छ ।
त्यसैगरी अमेरिकी राज्य वोमिङ सबैभन्दा कम मानिस बस्ने राज्य बनेको छ । ठुलो क्षेत्रफलमा फैलिएको र धेरै जमिन भएपनि वोमिङमा मौसमको कारण मानिसहरुको बसोबास कम भएको रिपोर्टमा उल्लेख गरिएको छ । सो राज्य कम जनघनत्व भएका राज्यमा दोस्रो नम्बरमा गणना भएको छ । पर्यटनलाई मुख्य व्यवसाय बनाएको सो राज्यमा अमेरिकाको चर्चित राष्ट्रिय निकुञ्ज एल्लोस्टोन नेशनल पार्कपनि रहेको छ ।
सन २०१८ मा गरिएको सर्वेलाई आधार मानेर वल्र्ड एटलसले जारी गरेको रिपोर्ट अनुसार वोमिङपछि सबैभन्दा कम जनसंख्या भएको राज्य भर्मोन्ट भनिएको छ । सो राज्यमा मानिसहरुको संख्या ६ लाख २६ हजार दुइ सय ९९ छ । भर्मोन्टको राजधानी मन्टपीलर हो सो राज्यमा मानिसहरु कम बसोबास गर्ने कारण मौसम बताइएको छ । निकै जाडो हुने भएकोलेपनि मानिसहरुको संख्या कम भएको अनुमान गरिएको छ ।
यसैगरि अमेरिकी राज्य टेक्सस क्यालिफोर्नियापछि सबैभन्दा धेरै मानिसहरुको बसोबास रहेको राज्य बनेको छ । तथ्यांक अनुसार टेक्ससमा दुई करोड ८७ लाख भन्दा धेरै मानिसहरु बसोबास गर्ने रिपोर्टमा जनाइएको छ । टेक्ससमा धेरै उद्योग धन्दाहरु भएको कारण र मौसमपनि त्यती खराव नभएको कारण मानिसहरुको बसोबास बाक्लिएको देखिन्छ । टेक्ससमा उर्जा, विद्युत, एरोस्पेस र वायोमेडिकल लगायतका उद्योग धन्दाहरु फस्टाउदा छन ।
टेक्ससपछि फ्लोरिडा र न्युयोर्क सबैभन्दा धेरै जनसंख्या भएका राज्य अन्तर्गत परेका छन । फ्लोरिडामा दुई करोड १२ लाख ९९ हजार तीन सय २५ जना बसोबास गरिरहेको जनाईएको छ । संसारकै ठुलो व्यापारिक सहर न्युयोर्कमा एक करोड ९५ लाख ४२ हजार भन्दा धेरै मानिसहरु बसोबास गर्ने सन २०१८ को सेन्ससले जनाएको छ । त्यस्तै पेन्सीलभेनिया, इलिन्ओइस, ओहायो, जर्जिया नर्थ क्यारोलिनापनि धेरै जनसंख्या भएका राज्य अन्तर्गत पर्दछन । तीन सय २४ मिलियन जनसंख्या भएको अमेरिकामा तीन दशमलव ८ मिलियन स्क्वायर माइलमा जनसंख्या फैलिएको छ ।