अमेरिकाको सियाटलमा गोली चल्यो, एकको मृत्यु पाँच जना घाइते

जाङबु शेर्पा, दूरबिन नेपाल, अमेरिका
अमेरिकाको सियाटलमा गोली चल्दा एक जनाको ज्यान गएको छ भने अन्य पाँचजना घाइते भएका छन । घाइते हुनेहरुमा एक बालकपनि रहेको जनाइएको छ । साँझ पाँच बजेतिर भएको घटनामा गोली एक संदिग्धले गोली चलाएको आशंका गरिएको छ । यद्यपि गोली चलाउने दुइजना वा एकजना भन्ने अझै निश्चित भइसकेको छैन । बन्दुकधारीलाई अझै पक्राउ गर्न सकिएको छैन । प्रत्यक्षदर्शीहरुका अुनसार वन्दुकधारीले पूरै कालो पहिरनमा मुख छोपेर गोली प्रहार गर्न सुरु गरेका थिए । सियाटलको फोर्थ र पाइन सडक नजिकै भएको घटनाको प्रहरीले अनुसन्धान गरिरहेको वताएको छ । सियाटमा चौविस घण्टमा भएको यो दोस्रो घटना हो । सियाटलमा मंगलवारमात्र अर्का एक वन्दुकधारिले गोली चलाउदा एक जनाको ज्यान गएको थियो । त्यस्तै मंगलवारै लस भेगसको एक रात्री क्लवमा गोली चल्दा दुई जनाको ज्यान गएको थियो । एक सातामा गोली प्रहारको यो चौथो घटना हो ।