समाचार विश्लेषण
बद्रि गौतम, दूरबिन नेपाल, न्युयोर्क ।
-डेमोक्र्याटिक पार्टीका तीनवटा आन्तरिक प्रतिष्पर्धामा आफ्नो पल्ला भारी बनाएका सिनेटर बर्नी स्यान्डर्स नै आगामी राष्ट्रपतिको उम्मेदवार हुन्छन वा हुदैनन केही निश्चित छैन । किनकी उनका प्रतिस्पर्धीहरू पनि उनलाई पछाइ रहेका छन । बर्नीका निकटतम प्रतिस्पर्धी पिट बुटीजज जो इण्डियानाको साउथ बेण्डका मेयर हुन, बर्नी भन्दा झण्डै आधा उमेर कान्छा पिटको पक्षमा २५ देखि २६ डेलिगेट्सहरु देखिएका छन । जब बर्नीसंग ४५ देखि ४६ प्रतिनिधिहरू पक्षमा देखिएका छन । तीन स्थानको आन्तरिक निर्वाचनले यो परिणाम देखाइरहँदा पूर्व उपराष्ट्रपति जो बाइडेनको पक्षमा १५ डेलिगेट्स छन भने एलिजावेथ वारेनको पक्षमा ८ र एमी क्लोबुचरको पक्षमा सात प्रतिनिधिहरू देखिएका छन ।
त्यसैगरी अहिलेसम्म भएका तीन स्थानको डेमोक्र्याटिक ककस मध्ये बर्नीले दुई स्थानमा विजय हासिल गरी आफ्नो पल्ला भारी बनाएका छन । पहिलो पटक भएको आइओवाको ककसमा नतिजा निस्केन । जहाँ पीट बुटीजजसंग बर्नीले बराबरीमा चित्त बुझाउनु पर्यो । त्यसैगरी न्यु ह्याम्पसायर र नेभाडामा बर्नीले स्पष्ट जित हात पारी दुई स्थानमा आफ्नो पकड देखाएका छन । बर्नीलाई पछाइरहेका युवा उम्मेदवार बुटीजजको अवस्था झन झन कमजोर देखिँदै गएको छ । किनकी नेभाडाको प्रतिष्पर्धामा बुटीजजलाई बाइडेनले पछाडि पारे । बाइडेन दोस्रो स्थानमा आएको नेभाडाको प्रतिस्पर्धाले अब बर्नीलाई चुनौती दिने बाइडेन नै हुन की भन्ने अनुमान गरिएको छ । त्यसैगरी एलिजावेथ वारेन र माइकल ब्लुमबर्गको अवस्था पनि मजबुत देखिएको छैन ।
अहिलेसम्मको लोकप्रिय मतपनि बर्नीकै पक्षमा धेरै देखिएको छ । बर्नीले २८ प्रतिशतभन्दा धेरै लोकप्रीय मत पाएका छन । त्यसैगरी बुटीजजले २३ प्रतिशतभन्दा धेरै मत प्राप्त गरेका छन । लोकप्रिय मतमा बाइडेनलाई एलिजावेथ वारेन र एमी एमी क्लोबुचरले पछाडि पारेका छन । बाइडेनको लोकप्रिय मत झण्डै १२ प्रतिशत हुंदा एमीको १५ र वारेनको १२ प्रतिशतभन्दा धेरै रहेको छ । यसले पनि बाइडेनको चुनौती अझ धेरै देखिएको छ । यसको फाइदा प्रत्यक्षरूपमा बर्नीलाई पुगीरहेको छ ।
तर फेब्रुअरी २९ तारिख शनिवार साउथ क्यारोलिनामा हुने ककस अर्थात आन्तरिक निर्वाचनले बाइडेनलाई केही मजबुत पार्न सक्ने अनुमान गरिएको छ । साउथ क्यारोलिनामा बाइडेनले धेरै लगानी गरेको र उनको पक्षमा धेरै प्रतिनिधिहरू हुन सक्ने अनुमान गरिएको छ । सो स्थानमा बर्नीको नतिजा कस्तो आउँछ त्यसले केही निर्धारण गर्ने अनुमान गरिएको छ ।
सुपर ट्युस्डे अर्थात मार्च ३ को ककस
मार्च तीन तारिखमा हुने डेमोक्र्याटिक उम्मेदवारहरूको आन्तरिक निर्वाचनले लगभग ट्रम्पसँग को भिडने भन्ने तय गर्न सक्ने अनुमान गरिएको छ । किनकी सो दिन यसकारण पनि महत्वपूर्ण छ कि एकै दिन १५ स्थानमा आन्तरिक निर्वाचन हुनेछ भने जसमा एक हजार तीन सय ४४ प्रतिनिधिहरूको टुङ्गो लाग्ने छ । ती प्रतिनिधिहरू कसको पक्षमा धेरै हुन्छन त्यसले पनि आगामी राष्ट्रपतिको उमेदवारको बाटो सहज बनाउने छ । हुन त त्यसपछि पनि अन्य स्थानमा आन्तरिक प्रतिस्पर्धाहरू हुने नै छन । तर धेरै प्रतिनिधिहरू सामेल हुने हुँदा मार्च तीन तारिखलाई सुपर ट्युस्डे भनिएको हो ।
यदि यसरी नै अघि बढ्दै जाने हो भने बर्नीलाई कसैले रोक्न सक्ने देखिंदैन । तर डेमोक्र्याटिक पार्टीको आन्तरिक राजनीतिले पनि ठुलो भूमिका खेल्छ । किनकी बर्नीसंग डेमोक्र्याटिक पार्टीको विरासत छैन जुन हिलरी क्लिन्टनसँग थियो । अहिले जो बाइडेनलाई डेमोक्र्याटिक दलको संस्थापन पक्षको आशीर्वाद प्राप्त भनिएको छ । यदि बर्नीमाथी डेमोक्र्याटिक पार्टी भित्रैबाट अन्तर्घात भएन भने उनी नै डोनल्ड ट्रम्पको प्रतिस्पर्धी हुनेछन । विष्लेशकका अनुसार अहिले देखिएका उमेदवारमा बर्नी सेण्डर्स मात्रै यस्ता उम्मेदवार हुन जसले डोनल्ड ट्रम्पलाई हराउने क्षमता राख्छन् ।
तस्विर: एजेन्सी
प्रतिक्रिया लेख्नुहोस्:-