दूरबिन नेपाल, न्युयोर्क । अमेरिकाको टेक्ससका एक युवा, जसले कोरोना भाइरसको कारण आफ्नो व्यवसाय चौपट भएको विवरण बुझाएर लाखौ ऋण लिन खोजे । साना व्यवसायमा भएको घाटाबाट मुक्ति दिन तथा उनीहरुको व्यवसायको सुरक्षाको लागि भन्दै ल्याइएको कोरोना भाइरस राहत सहयोग लिंदा गलत विवरण बुझाएको भन्दै उनीमाथी अहिले छानविन भइरहेको छ । अब उनीमाथीको अरोप पुष्टि भएमा उनले राहतको सट्टा जरिवाना र जेलको आहत पाउने छन । ३२ बर्षीय सामुल यट्स जो टेक्सस निवासी हुन ।
जसले झुठो निवेदन दिएर बैंकबाट पाँच लाख भन्दा धेरै रकम लिन खोजेका थिए । उनले बुझाएको विवरण शंकालागि छानविन गर्दा गलत भएको भन्दै डिपार्टमेन्ट अफ जष्टिसले मुद्धा दायर गरेको छ । आरोपी यट्सले दुई बैकबाट राहत वापत पाउन सकिने लोन सुविधा लिन खोजेका थिए । उनले आफ्नो व्यवसायमा ४०० भन्दा धेरै कामदार भएको दावी गरेका थिए । तर अनुसन्धान गर्दा उनीसंग कामदार नभएको देखिएको डिपार्टमेन्ट अफ जष्टिसले बताएको छ । उनीमाथी कानुनको उलंघन गरेको, बैंक ठगी, झुठो विवरण लगायतका आरोपमा सजायं हुन सक्ने जनाइएको छ । पे चेक प्रोटेक्सन प्रोग्रामको गलत फाइदा उठाउन खोज्ने यट्सजस्ता पात्रहरुमाथी गम्भीर छानविन भइरहेको एटोर्नी जनरल ब्रायन ए बेन्जकोस्कीले बताएका छन ।
न्यु इङ्ग्ल्याण्डमा दुई जनाउपर छानविन हुंदै
कोरोना भाइरसका कारण साना व्यवसाय संरक्षणको लागि ल्याएको पे चेक प्रोटेक्सन प्रोग्रामको दुरुपयोग अमेरिकाभरी नै भइरहेको डिपार्टमेन्ट अफ जष्टिसले जनाएको छ । यस्तै दुरुपयोगको आरोपमा न्यु इङ्ग्ल्याण्डका दुइ जनामा पनि छानविन भइरहेको डिपार्टमेन्ट अफ जष्टिसले आफ्नो प्रेस नोटमा उल्लेख गरेको छ । गलत विवरण बुझाएर राहत लिन खोज्ने उपर कडा कारवाही गरिने चेतावनी अमेरिकी संघीय सरकारले पनि दिएको छ । केही दिन अघि म्यासाचुुसेट्स र रोड आइल्याण्डका दुई व्यक्तिहरुलाई पनि गलत विवरण बुझाइ राहत लिन खोजेको आरोपमा पक्राउ गरिएको थियो ।
“सरकारी राहत हो जसरी पनि लिइ हालौं भन्ने सोचले पछुताउनु पर्ला” एटोर्नी डिल्ली भट्ट
न्युयोर्क स्थित भट्ट ल एशोसियट्सका एटोर्नी डिल्ली भट्टले कतिपय मानिसहरु सरकारी राहत प्याकेज हो जति सक्दो छिटो लिइहालौं, परेको पछि बेहोरौला भन्ने सोचका कारण कानुनी अप्ठेरोमा पर्ने गरेको बताएका छन । दूरबिन नेपालसंग कुरा गर्दै एटोर्नी भट्टले अमेरिकामा बैंक ठगीलाई ठुलो अपराधको रुपमा लिइने हुंदा यसबाट ठुलो मुल्य चुकाउन पर्ने हुंदा सचेत रहन सुझाएका छन । अहिले कोरोना भाइरसको कारण साना व्यवसासको संरक्षणको लागि सरकारले ल्याएको प्ययाकेजमा कतिपय मानिसहरुले जानी जानी झुठो विवरण बुझाउने गर्छन तर अमेरिकामा यसको छानविन भइरहेको र यसले ठुलो कानुनी समस्या र जरिवानामा पर्न सकिनेतर्फ ध्यान दिनुपर्ने भट्टको भनाइ छ । अधिकांश साना व्यवसायीहरु अरुको सिको गर्ने तर कानुनी प्रक्रियाका बारे ध्यान नदिएका कारणपनि समस्यामा पर्ने गरेको बताउंदै एटोर्नी भट्टले सरकारी राहत त लिउं तर यसरी लिर्दै गर्दा गलत विवरण बुझाइएला भन्नेतर्फ ध्यान दिएमा अर्थात अलि धेरै जान्नेहरुसंग सल्लाह लिन सकेमा समस्यामा नपरिने सुझाव दिएका छन ।
साना व्यवासायको संरक्षणको लागि सरकारले मार्चमा पे चेक प्रोटेक्सन प्रोग्राम ल्याएको थियो । अहिले अमेरिका भरी यो राहत प्याकेज प्राप्त गर्न लाखौं साना व्यवसायी लागि परेका छन भन गलत विवरण बुझाउनेहरु कानुनी समस्यामा पनि परीरहेका छन ।
प्रतिक्रिया लेख्नुहोस्:-