डोनाल्ड ट्रम्पको आफ्नै नयाँ सामाजिक सञ्जाल -‘ट्रूथ सोशल’

अमेरिका । पूर्वराष्ट्रपति डोनाल्ड ट्रम्पले नयाँ सामाजिक सञ्जाल ट्रूथ सोशल सार्वजनिक गर्ने योजना घोषणा गरेका छन्। । गत जनवरीमा क्यापिटल हिलमा भएको सांघातिक आक्रमणपछि सामाजिक संजालहरु फेसबुक र्र ट्विटरले उनको एकाउण्ट बन्द गरिदिएको थियो ।
आज ट्रम्पले घोषणा गरेको उक्त सामाजिक सञ्जालले ठूलो प्रविधि कम्पनीको अत्याचारविरुद्ध उभिने र उनको सामाजिक संजालले अमेरिकाका विद्रोही आवाजूलाई स्थान दिने फक्स न्यूजले उल्लेख गरेको छ ।
ट्रम्पको ट्रम्प मिडिया एन्ड टेक्नोलजी ग्रूप टीएमटीजीले भिडिओ स्ट्रीमिङ सेवा पनि सुरु गर्ने पनि उल्लेख गरेको छ । ट्रम्प र उनका सल्लाहकारहरूले वैकल्पिक सामाजिक सञ्जाल सुरु गर्ने सङ्केत गरिरहेका थिए । वर्षको सुरुमा ट्रम्पले फ्रम द डेस्क अफ डोनल्ड जे ट्रम्प नामको साइट सुरु गरेका भएपनि एक महिनापछि नै स्थायी रूपमा बन्द भएको थियो । कतिपयले उनको यो संजाललाई नै अगाडि बढाइने अनुमान गरेका थिए ।
समाचारहरुमा जनाइए अनुसार ट्रूथ सोशलको आगामी महिना केही आमन्त्रित प्रयोगकर्ताका लागि तयार हुनेछ । त्यसपछि सन् २०२२ को पहिलो तीन महिनामा अमेरिकामा उपलब्ध हुने बताइएको छ ।
ट्रम्पले सामाजिक संजालको चर्काे आलोचना गर्दै लेखेका छन्, हामी यस्तो संसारमा बाँचिरहेका छौँ जहाँ तालिबानको ट्विटरमा ठूलो उपस्थिति छ तर तपाईँको मन पर्ने अमेरिकी राष्ट्रपतिलाई चुप लगाइएको छ।