काठमाडौं । नव निर्वाचित प्रतिनिधिसभा सदस्य तथा कांग्रेस महामन्त्री विश्वप्रकाश शर्माले अबको प्रधानमन्त्री गगनकुमार थापा नै हुनुपर्ने बताएका छन् । उनले शनिबार झापाको दमकमा आयोजित कार्यक्रममा राजनीतिक परिवर्तनको एजेन्डा सकिएकाले अब मुलुकलाई रुपान्तरण गरेर अघि बढ्नुपर्ने बताए।
उनले भने, ‘राजनीतिक परिवर्तनको एजेन्डा होइन। अब हाम्रो पूरै ध्यान सामाजिक रुपान्तरणको मुद्दामा केन्द्रित हुनुपर्छ।’ मुलुक रुपान्तरणका लागि सबै रुपान्तरित हुनुपर्ने आवश्यकता उनले औंल्याए।
झापा १ बाट प्रतिनिधिसभा सदस्यमा निर्वाचित शर्मा केही दिनदेखि गृहजिल्ला झापामा विभिन्न कार्यक्रममा सहभागी हुँदै आएका छन्। प्रधानमन्त्रीमा पार्टी सभापति शेरबहादुर देउवाले विकल्प दिनुपर्ने उनको धारणा छ। उनले भने, मैले यसअघि बारम्बार पार्टीका अर्का महामन्त्री गगन थापालाई संसदीय दलको नेता र प्रधानमन्त्रीमा प्रस्ताव गर्छु भनेर प्रतिबद्धता जनाइसकेको छु।’
प्रतिक्रिया लेख्नुहोस्:-