रणनीति मिलाउन नसक्दा कांग्रेसले सरकार गुमाउनुपरेको हो : नेता कोइराला

काठमाडौं । नेपाली कांग्रेसका नेता डा. शशांक कोइरालाले आफ्नो दलले रणनीति मिलाउन नसक्दा सरकार गुमाउनुपरेको बताएका छन् । उनले शुक्रबार चितवनमा पत्रकारसँग कुराकानी गर्दै यस्तो बताएका हुन् ।

‘पार्टीले रणनीति नमिलाएर यो दुर्घटना भएको हो’ उनले भने । पहिले नै रणनीति मिलाएको भए गठबन्धन कायम रहने उनको भनाइ थियो ।

गठबन्धनबाट देउवालाई प्रधानमन्त्री बनाउने महत्त्वपूर्ण भूमिका दाहालले खेलेको उनले बताए । उनले भने, ‘ठूलो पार्टीको नाताले पहिलो पटक नै प्रधानमन्त्री बन्छु कि भन्ने सोचका कारण समस्या आयो ।’